Kambe Kuyasiza Ukuthi uMnu. Chamisa Abe Esethulela Abalandeli Bakhe Amavesi esiKhristu Kuphela Ebulenjini? Lalela Ingcwethi Zicubungula

Inengi labalandeli beCitizens Coalition for Change lithi lidaniswa yikuqhubeka kokulwisana okuphakathi kweziphathamandla zalelibandla, eselilamacele ambalwa, okuvele sobala kungcwatshwa ilunga leCCC uMnu. Murisi Zwizwai ngoLwesibili, ngoba bekulenkulumo zokuxhophana.

Omunye okhulume kulumgcwabo ngowayekhokhela lelibandla uMnu. Nelson Chamisa, obikwa esedanise abanye abalandeli bakhe ngokuqhubeka eloba amavesi ebhayibhili enkundleni zokuxhumana ebulenjini kulokuthi abonise ukuthi uthatha nyathelo bani ngokubumba ibandla elitsha.

Ingcwethi kwezombusazwe zithi lokhu kunika ibandla leZANU PF igunya lokuqhubeka linqoba, kukanti umkhokheli walo umongameli Emmerson Mnangagwa usebonisa impawu zokuthi ufuna ukuncintisa njalo kukhetho oluzayo, okwesithathu.

Ukucubungula loludaba, sixoxa loMnu. Benard Bhekilizwe Ndlovu, ingcwethi ecubungula ezombusazwe, owayengumgcinisihlalo wogatsha lwebandla leAlliance for People’s Agenda eSouth Africa endawonye lo Mfundisi Siyaphambili Moyo, owenkonzo yesiKhristu eyeLiving Christ Pentecostal Ministries International njalo ophatheka kunkulumo zokuxwayisa abezombusazwe onguye osungula lingxoxo.

Embed share

Ingxoxo loMfundisi Siyaphambili Moyo Endawonye loMnu. Benard Bhekilizwe Ndlovu

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:05:10 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala