Icele lebandla eliphikisayo ele CCC elikhokhelwa nguMnu. Welshman Ncube lithi yilo elizaphiwa imali ephiwa amabandla ezombusazwe alamalunga edale lephalamende kulandela ukwamukelwa kukaMnu. Sengezo Tshabangu njengomkhokheli wamalunga amadale esenate le phalamende.
Usomlomo wedale lephalamende, uMnu. Jacob Mudenda wazise ngeviki edluleyo ukuthi uTshabangu nguye osezakhokhela amadale womabili njalo wacitsha amagama alabo ababekhethwe licele elikhokhelwa nguMnu. Timba.
Kodwa amanye amalunga alelicele athi awajabulanga ngokuthi uTshabangu uzikhethile engatshelanga abanye bakhe.
U-Chris Gande weStudio Seven uxoxe lesiphathamandla salelicele, uMnu. Albert Mhlanga ukuze sizwe okunengi ngaloludaba.
Njengoba iStudio Seven ingasekeli hlangothi uChris uphinde waxoxa lesikhulumeli secele le CCC elikhokhelwa nguMnu. Jameson Timba, uMnu. Promise Mkhwananzi.
Forum