Uhulumende weZimbabwe uthi uhlelo lokufundisa abasakhulayo ngembali yelizwe labo leminye imisebenzi yezandla, ngesikhathi esilandelayo luzaba luhlelo oluzamele lungenwe ngosakhulayo wonke elizweni lapho begqiba izifundo andubana baqale ukusebenza.
Lokhu kubikwe nguMongameli Emmerson Mnangagwa esungula okusemthethweni uhlelo lolu esemavinkilini awe Mtawatawa, koMurehwa Ngolwesihlanu.
Ukuhlaziya udaba olweNational Youth Service iStudio 7, ibe lethuba lokuxoxa losakhulayo okumsebenzi wokukhuthaza ukulondolozwa kwamalungelo abatsha esigabeni ese-Matebeleland South, uNkosazana Senzeni Maphosa.
UNkosazana Maphosa yena uthi lolu hlelo nxa luhlelwe kuhle, njengalokho okwenziwa kwamanye amazwe lulakho ukunceda abatsha ukuthi bathole imisebenzi lapho sebegqibe izifundo.
"Kodwa udubo lusuka lube khona ekuthini kwele Zimbabwe nxa sikhangela okwake kwenzakala ngaphambilini abasakhulayo babe sebetshenziswa ngabezombusazwe. Ngakhoke uhulumende nxa efuna luphumelele kumele lolu hlelo lungangenwa yimpehlane," kutsho uNkosazana Maphosa.
Forum