Kulandela ukusungulwa kwemali yohlobo lweZimbabwe Gold-i-ZIG ngoLwesibili, inengi lithi lilokhe lingakayibambi ngezandla ngoba ingakafinyeleli emabhanga wonke, kodwa liyenelisa ukuyisebenzisa ezitolo nge swipe.
Abomkambo wensitha koBulawayo babikwa beyehlise isisindo seZIG ngoLwesithathu ngoba eyodwa ibithengwa ngamadola angamatshumi amabili.
Abemitshova labathengisa ezitaladini babikwa bengayamukeli i- swipe ngoba befuna ama US-Dollars lama Rands.
Ibhanga leReserve libikwa lisithi liyathokoza ngokuthi abantu bayamukele limali njalo lisebenza gadalala ukubona ukuthi amabhanga wonke ayayithola.
Ukuze sizwe okwenzakala koBulawayo, sixoxe loMnu. Ambrose Sibindi umgcinisihlalo wenhlanganiso elwela amalungelo ezisebenzi eye ZCTU esigabeni sangentshonalanga yelizwe, njalo owake waba ngumholi we Bulawayo Progressive Residents Association.
Forum