Minyaka yonke ngenyanga ka Mbimbitho oyabe engumongameli lentathelizindaba ezisebenzela esigodlweni sakhe bayahlangana behabana. Lelidili eliyabe lilabosaziwayo elithiwa White House Correspondents Dinner liyaveza mgceke ukuba umongameli uziphatha njani ngesikhathi sokuzilibaisa.
Lapha yikho okudibana khona abalobuciko bokugqoka, amatshitshi behlangene labezombusazwe.
Intathelizindaba yizo ezibambe lumthimba we White House Correspondents Dinner, kodwa onguye usahoho walo leli gigi ngumongameli loyabe ekhethiwe ukuzohaba. Kodwa kwesinye isikhathi umongameli nguye usomahlekisa.
Kulumnyaka wokhetho asebejwayele lelidili bakhangelele ukuthi uMongameli Biden uzahaya ancintisana laye.
Unkosikazi Martha Kumar yingcwethi kwezombusazwe njalo engumlobi.
Leli lisiko lelizwe leMelika labomongameli bonke. Kodwa ngomnyaka ka 1981 owayengumongameli uMnu. Ronald Reagan kenelisanga ukuya kulelidili ngoba wayephose wabulawa.
Kusukela kulowomnyaka, wonke umongameli uyahamba kulumbuthano ngaphandle kukaMnu. Donald Trump ongazange aye ngesikhathi sombuso wakhe.
Ke sizwe ocubungula ezombusazwe, uNkosikazi Martha Joynt Kumar.
“Ngilethemba lokuthi wayevele engafuni lokhu.”
Ngomnyaka ka 201 lapho esangausomabhizimusi, u-Trump wahaywa ngowayengumongameli, uMnu. Barrack Obama losomahlekisa u-Seth Meyer.
"UDonald Trump uthi uzancintisa njengelunga lama Republicans, mina bengisithi uzancintisi njengehaba.
“Akula ojabulele ukugqiba udaba lwencwadi yokuzalwa njengo Donald. Lokhu kuyikuthi usengabuyela kundaba eziqakathekileyo njengokuthi saqamaba amanga na ngokuthi saya enyangeni?
Abanye bathi ukuhaya lokhu yikho okwabangela ukuthi u-Trump acabange ukuncintisa ukuba nguMongameli, kodwa yena uyakulandula lokhu.
Omongameli abanengi bayahaya intathelizindaba kodwa njalo bathathe lelixesha ukuzingcoma.
“Intathelizindaba ziyinsika yesizwe, singathi thina ihawu lesizwe esikhululekileyo, hatshi isitha."
Ikakhulu emhlabeni lapho intathelizindaba ezingabotshwa ngokuhaya umongameli, njengalokho okwakhulunya ngusomahlekisa, u-Trevor Noah, kuminyaka emibili edluleyo.
“Liyazi ukuthi kuyisimanga esinjani. Ngime lapha ngahaba umongameli welizwe leMelika kodwa akula okuzenzakala, yikho na?”
Ubuhle bombuso kazulu buzabonakala namuhla edolobheni le Washington ngelanga kudili lakusihlwa ele White House Correspondts’ Dinner.
Forum