Umphathintambo wezomvikela, uNkosikazi Oppah muchinguri kashiri kunye lomholi webutho uLieutenant Anslam Sanyatwe bahlawuliswa imali phezu kodaba lokubhaxabulwa kabuhlungu kwesakhamuzi se Harare ngamasotsha ngomnayaka ka 2019.
Umantshi uNkosikazi Tamara Chibindi uhlawulise ababili laba imali engama Zig azinkulngwane ezingamatshumi amane, Zig41 000 ngokutshaywa okwenziwa uMnu. Muchademba Muponde ngesikhathi sokutshengisela okwenzkala endaweni ezinengi zelizwe.
UMuponde, obemele ngamagqwetha alwela ilungelo likazulu, awe Zimbabwe Human Rights Lawyers, uzaphiwa njalo imali engama Zig azinkulungwane ezingmatshumi amabili, Zig20 816 eyobuhlungu lokuyangiswa akwenziwa ngemva kokutshaywa lokhu.
Kodwa amagqwetha abemele amasotsha athi akumelanga kugwetshwe bona kodwa amapholisa ngoba yiwo ayecele amasotsha ukuthi abaphathise ekutshengiseleni lokhu okwatshiya abantu abayisithupha befile.
Forum