Udaba lokuthi indawo lapho okwabekwa khona owayeyinkosi yamaNdebele uLobengula Khumalo isitholakele eZambia, yamukelwe ngembono ehlukeneyo; abanye besola uhulumende, onguye owaqoqa uhambo lweZambia kodwa abanye besithi linyathelo elingcono ukwenzela ukuthi kwaziwe okwenzakalayo, kulokuthi inkosi “yanyamalala”
Kodwa abanye bathi inkosi yazikhethela ukuthi ikhothame ingakachaphi umfula uZambezi, kukanti abanye bathi udaba lolu kufanele luhlale luyimfihlo. Abanye njalo bathi udaba lweZambia luvele luyazakala njalo sokwalotshwa ingwalo ngalo.
Osebenza kugatsha lukahulumende olwezamasiko uMnu. Midard Khumalo, utshele umhlangano obubizwa ngokuthi ngowaMaNtungwa ngempelaviki koBulawayo ukuthi ngempela bahlangana leNduna yamaNgoni uMpezeni eZambia lapho inkosi uLobengula ebikwa yacatsha khona ngemva kwempi yePupu lamaNgisi ngomyaka ka 1893.
Ukuze sicubungule loludaba, sixoxe loMnu. Greater Vodloza Sibanda, isikhulumeli somunye obikwa eyiNkosi yamaNdebele kuiyamangalisa ukuthi imizamo le khona ifika uMnu. Raphael Khumalo. UMnu. Sibanda okhuluma ezimele, uthi kuyamangalisa ukuthi kungani inyathelo leli lithathwa lamuhla. Kodwa uthi ezinye inhlelo zikahulumende, ezibalisa ukunanza impi yePupu eka 1893 lokuhlonipha induna umuyi uMtshane Khumalo ziyancomeka.
IStudio 7 iphakathi kwemizamo yokuxoxisana loMnu. Phathisa Nyathi, ingcwethi kwezamasiko onguye owayekhokhele iqula leZambia lapho okwakulezinye iziphathamandla zikahulumende.
Forum