Idale likamantshi eMasvingo limise ukududulwa kwabantu abangamatshumi ayisithupha lasithupha (66), ngemva kokuba betholakale bengela cala.
Abantu laba bebesetheswa umlandu wokuzihlalisa emhlabathini kahulumende bengela mvumo.
Umantshi uMnu Farai Gwitira uthe abatshutshisi behluleke ukuletha ubufakazi obuveza ukuthi umhlabathi lo ngokahulumende.
Igqwetha ebelimele izakhamizi lezi elivela kunhlanganiso yeZimbabwe Lawyers for Human Rights, uMnu Frank Chirairo utshele iStudio7 ukuthi isinqumo sedale leli silakho ukuphathisa abanye abedlula inkulungwane ezintathu (3000) abetheswa icala elifanayo.
NgoLwesihlanu kulezakhamizi zeGwanda ezilikhulu lamatshumi ayisitshiyangalombili (180) ezimiswe phambi kwedale likamantshi eGwanda zisetheswa umlandu ofanayo njalo udaba lwazo ludluliselwe phambili luzaqhubekela phambili ngenyanga kaMbimbitho.
Ekhuluma leStudio7 ingcwethi yezombusazwe njalo esebenza lenhlanganiso ye-Common Markets for Liberal Solutions, COMALISO, uMnu Rejoice Ngwenya uthe ukunqoba kwezakhamizi zeMasvingo akutsho ukuthi ezinye izakhamizi ezetheswa icala elifanayo lazo zizanqoba njengoba umthethwandaba uzakhengela udaba lunye ngalunye.
Forum