Ingcitshi ezicubungula ezenotho ziyasisola isinqumo sikamongameli Mnangagwa esokuvumela amankampani kahulumende angamatshumi amabili lanye (21) ukuthi engalandeli umthetho wokuthengwa lokuthengiswa kwempahla owePublic Procurement and Disposal of Public Assets, zisithi sizakwengeza imisebenzi yenkohlakalo, yona evele ibhahile elizweni.
Zithi isinqumo lesi silakho ukuba sihlose ukunothisa ibandla elibusayo ele-Zanu-PF labanye abasebenzela ndawonye lalo.
Amankampani avunyelwe ukungalandeli lumthetho agoqela i-AFC Bank, Fidelity Gold Refinery, Reserve Bank of Zimbabwe (RBZ), Freda Rebecca Gold Mine, Netone, POSB, Bindura Nickel Corporation, Jena Mines, Homelink, Great Dyke Investments, Aurex Private Limited, Sandawana Mines, Zimbabwe Alloys Limited le Telone.
Ekhuluma leStudio7 ingcwethi yezenotho njalo esebenza lenhlanganiso ye-Centre for Disability Rights uMnu Masimba Kuchera uthi lokhu kutsho ukuthi amankampani la ayenelisa ukuthenga impahla mahlayana engalandelanga imithetho kahulumende yokuthengwa kwempahla okulakho ukupha ithuba inkokheli zawo ukuthi ziqhube imisebenzi yenkohlakalo.
Forum