Uhulumende weZimbabwe usekhuphule njalo intengo zamafutha ezimota.
Uhlangothi olubona ngokuthengiswa kwamafutha ezimota olweZimbabwe Energy Regulatory Authority (ZERA) lwazise intengo ezintsha lezi.
Intengo yeDiesel ikhwele isuka ku US$1.66 isiya ku US$1.67; kuthi ngedola leZimbabwe ikhwele isuka kuZWL$ 10 573 isiya ku ZWL$ 18 265.
IPetrol yona ikhwele isuka ku US$ 1.57 isiya ku US$ 1.64, kuthi ngedola leZimbabwe ikhwele isuka ku ZWL$ 9 956 isiya ku ZWL$ 17 887.
Abathengi bathi ukukhwela kwentengo yamafutha ezimota ngalindlela kuveza ukuphela amandla kwedola leZimbabwe njalo kuzakwenza intengo zempahla lazo zikhwele.
Exoxa leStudio7 uMnu Effie Dlela Ncube oyingcwethi yezenotho njalo ekhokhela inhlanganiso emela amalungelo abathengi eyeNational Consumer Rights Asscociation, NACORA uthe kufanele kulungisiswe indubo zombusazwe ukuze inotho yelizwe ikhule njalo imali yeZimbabwe ibe lesisindo.
Forum