Ukutshiya isikhundla komkhokheli webandla leCitizens Coalition for Change, uMnu. Nelson Chamisa kutshiye abalandeli balelibandla bedidekile bengazi ukuthi benzeni.
Amanye amalunga edale le phalamende lama khansila aleli bandla bathi bayalandela uChamisa lapho aya khona.
UChamisa utshiye ibandla leli Ngolwesine, esithi selihluthunwe libandla leZanu PF, njalo uthi lisebenzise uMnu. Sengezo Tshabangu ozithi ungunobhala jikelele weCCC ukulibhidliza. U-Tshabangu uthi uyamukela ukukhalala kuka Chamisa.
"Simfisela inhlanhla ukuthi ahambe ayetshumayela ibhayibhili ngoba uPresident usitshengisile ukuthi ugifted kakhulu ezintweni zeChurch. So sisuka lapha sisiyaphambili sile leadership eyayivele ikhethiwe njengoba naye wayekhethiwe ku Congress eye Gweru ngo 2019, that leadership yiyo ezakhetha u acting uPresident athathe over then silungiselela iCongress ukuthi siyekhetha isubstantive leadership.
Omele isigaba se Hwange kubandla leCCC edale lephalamende uMnu Daniel Molokele uthi laye setshiyile ukuba lilunga laleli bandla.
"Lami sengenze isinqumo sokuthi ngizomlandlela njengomkhokheli wami, angiseyilunga le CCC. Ngizaqhubekela phambili ngiyimember of Parliament yeHwange Central angika resign ukuba ngu MP. Kutshiyene ukusuka ku political party lokusuka eParliament, okwamanje laba abazibona bengabakhokheli be CCC balalo ilungelo kumbe igunya ukuthi bangenze okuthiwa yi recall betshele uSpeaker of Parliament ukuthi am no longer a member of CCC."
Owayencintisa emele ibandla le CCC eBulilima uNkosikazi Bekezela Maplanka uthi uChamisa wenze kuhle ngokutshiya.
"Mina ngokubona kwami ubaba umongameli advocate wethu Nelson Chamisa uyenze isinqumo esihle kakhulu loba kade kunzima ngoba usebenzile akula muntu ongambonanga esebenze sisebenzile akula muntu ongasibonanga sisebenza so ukuthi umsebenzi wonke lo ongaka uphombu kuphelela emoyeni kodwa ke ubengasela ndlela angayenza ngenxa yokuthi ibandla leCCC beselingenelwe yimpehlane."
Ukhansila we Ward 9 eMpopoma uDonaldson Mabutho uthi laye uhamba lo Chamisa.
"Thina ke njengabantwabakhe abalandeli bakhe ama diploys akhe sithi nyawo lunye li President wethu, siyamlandela lapha aya khona ngiyakwazi ukuthi sizafika kuphela one day iZimbabwe izakhululeka. Sima laye esikhathini sobuhle lesikhathini sokunzima."
Inengi labantu likhala ngo Tshabangu lisithi nguye obulele ibandla eliphikisayo. UMnu Mthokozisi Mlotshwa ngomunye wabo.
"Into lezi zokusebenza from zanu pf babuya bezodiliza iparty batshiye silemele kangaka besifakela abantu bezanu pf endaweni yase bulilima konke yonkindawo ilizwe lonke ayi ndaba leyi katshabangu ayisiphathanga kuhle njenga bantu bebulilima.
UMnu Khumbu Mlilo we Bhilithane uthi wenze kuhle ngokutshiya uChamisa.
"Ngangulindele kudala ukuthi aluba kuyenzeka avele ahlukane lazo into zeccc ukuze phela otshabangu labo bathathe over njoba bengani sebemthathele ibandla lakhe. Ngibafisela inhlanhla otshabangu."
UNkosikazi Thuli Moyo yena usola uTshabangu.
"Inhliziyo zethu zibuhlungu shame laloba Tshabangu odilize party yethu enhle kangaka kodwa thina ukuthi thina singabaleka kuChamisa hayi hayi."
Kulabanye abathi uChamisa usebenza leZanu-PF yikho engaqondakali ukuthi wenzani. UMnu Bheki Mlotshwa usola uChamisa.
"Umfana lwana wadelela kakhulu wayesenza abantu bakhe thina ecabanga ukuthi vele ilizwe leli uzabusa sizwa ngaye yonke into, kanti singakwazi ukuthi kanti yena vele ungaphansi kwe ZANU izenzo zakhe ngeze ZANU lezi wayesetshenziswa yiZANU imali yonke le iphuma ku ZANU."
Ingcwethi ezicubungula ezombusazwe zithi azethuswa linyathela likaChamisa ngoba kungasikho kwakuqala ukuthi enze njalo angabona seziminya uthatha elinye inyathelo. Zithi njalo waqala ngokuhlubuka kuMDC-T, ebumba iMDC Alliance. Wathi esebona sokuloxokozela sokubangwa ibizo leMDC-T isikhokhelwa nguMnu. Douglas Mwonzora, kulapho abumba iTriple C. nanku seziminya lokudonselana asekwenza loTshabangu usekhalele. Okwamanje akukacaci ukuthi usezakwenzani esiyaphambili uChamisa kodwa kulehunga hunga lokuthi engabe elomcabango wokubumba elinye ibandla.
Forum