Amapholisa etheswa icala lokuvimba abelembono ehlukeneyo ukubuthana okubalisa abadake befuna ukuhlangana betshengisa usekelo lukaMnu. Job Sikhala ngeSonto eChitungwiza.
Inhlanganiso ethiwa Job Sikhala Solidarity Council ibicele imvumo emapholiseni ukuthi iqhube umhlangano enkundleni ye Huruyadzo e-Chitungwiza kodwa amapholisa athi awasoze abaphe imvumo ngoba indlela efakwe isicelo sabo ingayisiyo efunwa ngumthetho.
Kawacacanga ukuthi yindlela bani abangayilandelanga.
Umqoqi wenhlanganiso ye Job Sikhala Solidarity Campaign, uMnu. Obert Masaraure uthe inyathelo elithethwe ngamapholisa litshengisa ukuthi bengezwa ibizo elithi Job Sikhala bayagedla amazinyo.
USikhala usejele lapho asehlezi okomnyaka owodwa lengxenye engathoniswa.
Sixoxe lesikhulumeli senhlangansio yamatitshala eye Progressive Teachers’ Union of Zimbabwe, ebingenye zenhlanganiso ebezikhangelelwe ukupha usekelo, uMnu. Thembakuye Moyo.
Kusenjalo, abecele leMRP kade befuna ukwenza umhlangano we rally eMakokoba namuhla labo balisiwe ukuqhuba umhlangano wabo ngamapholisa.
Amapholisa athi awasoze abaphe imvumo ngoba kulembiko ethi abebandla le CCC baqoqa ukutshengisela elizweni jikelele ngakho amapholisa awasoze enelise ukulondoloza ukuthulwa elizweni.
Kodwa iziphathamandla zebandla le CCC zilandule ukuthi kulokutshengisela okuqoqwa libandla labo.
Sixoxe lomnuye wabagcinisihlalo becele lebandla le MRP, uMnu. Mudenda Chilumbo.
Forum