Kuthunjwa Ilunga le CCC e-Epworth, u-Sylvester Chiundiza Otholakele Etshayiwe Wanathiswa Itshefu

Ibandla le-CCC lithi ilunga lalo u-Sylvester Chiundiza uthunjiwe elokitshini le epworth eHarare ngoLwesine, watshaywa kabuhlungu, wanathiswa itshefu.

U-Chiundiza ngumalume kaNkosazana Annah Sande owayekhethwe ukuba nguMeya we-Epworth kodwa wasuswa nguMnu. Sengezo tshabangu.

U-Sande wasuka emzini wakhe wayaphephela endaweni engaziwayo ngoba ebikwa ezingelwa ngabalandeli bebandla le Zanu pf.

Sixoxe lesikhulumeli sebandla le CCC, uMnu. Promise Mkhwananzi ukuze sizwe okunengi ngaloludaba.