Washington DC —
Uzulu ukhala ngembadalo yama passport ekhwezwe ngumphathintambo wezemali, uMnu. Mthuli Ncube isuka kumadola alikhulu lamatshumi amabili, $120 isiya kumakhulu amabili, $200.
Ipassport ye Zimbabwe yiyo esilembadalo ephezulu kulawamazwe angomakhelwane.
Amanye amazwe abhadalisa imali engaphansi kwamadola alikhulu.
Ukukhwezwa kwentengo yama passport ngokunye okwenziwe ngu Ncube ngeviki edluleyo ngesikhathi esethula uluhlu lwendleko zikahulumende, ibudget, okubalisa ukukhwezwa kwemali yentuba zomgwaqo, ama tollgate kunye lomthelo ozabhadalwa ngabalezindlu ezilentengo edlula inkulungwane ezilikhulu, $100 000.
Ukuhlaziya loludaba sixoxe lengcwethi ecubungula ezenotho, uMnu. Masimba Kuchera.
Forum