Kube lokulwisana okukhulu ngoMvulo eduzane lesibhedlela esiseGaza ngesikhathi i-Israel iqhubekela phambili ngokuhlasela i-Hamas, eyafakwa yiMelika kuluhlu lwamaterrorist.
Uhlangothi lwezempilakahle eGaza olukhokhelwa yi-Hamas luthi kulabantu abalitshumi lambili ababulewe libhomba eliphoselwe esibhedlela lesi. Ibutho le-Israel alikakhuphi umbiko walo ngalokhu.
Inhlanganiso esebenzela e-New York eye Committee to Protect Journalists ikhuphe imibiko yokuthi kulentathelizindaba ezingamatshumi amane lasitshiyangalombili esezibulewe eGaza kulimpi.
I-Israel yona isikhuphe imifanekiso yamagodi (amathaneli) okubikwa esetshenziswa yi-Hamas ukulwa icatsha phansi kwesibhedlela se Al Shifa. IHamas yona iyakwala ukuthi ilamagodi la.
Ukuhlaziya loludaba iStudio7 ikhulume loMnu Joseph Nkomazana, oyingwethi yezombusazwe njalo esebenza lenhlanganiso yeBulawayo Progressive Residents Association, yena okhuthaze ukukhulumisana phakathi kwamacele omabili la ukuze kumiswe limpi.
Forum