I-CCC Ithukuthele Ngoba Akulamuntu Osebotshiwe Phezu Kokubulawa kukaMasaya

Ibandla leCCC lithi likhathazeke kakhulu ngoba akulamuntu osebotsheiwe phezu kokuthunjwa lokubulawa kwelunga lalo uMnu Tapfumaneyi Masaya.

Isidumbu sikaMasaya sitholakale ngeviki edluleyo ngemva kokuthunjwa kwakhe ngabantu abacatshangelwa ukuthi ngabacuphi bakahulumende, amaCIO, esebenza labasekeli beZanu PF

UMasaya uthunjwe ngesikhathi ekhankasela ibandla lakhe phambilini kokhetho lwama-by-elections olokudinga umeli weMabvuku edale lePhalamende lakwezinye indawo mhlaka 9 ngenyanga ezayo.

Isiphathamandla seCCC uMnu Tim Muringai utshele iStudio 7 ukuthi abalathemba lokuthi bakhona abazabotshwa phezu kobudlovu lobu ngoba amapholisa esebenza eyamele kuhlangothi lweZanu PF.

Embed share

Ingxoxo loMnu Tim Muringai

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:46 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala

Kodwa isikhulumeli samapholisa uMnu Paul Nyathi uthe basaphenya, waxwayisa abeCCC kanye lozulu makhaza ukuthi babekezele njengoba abomthetho besadingisisa.

Kumaviki asanda kwedlula kuthunjwe ilunga leCCC elimela abasakhulayo edale lePhalamende uMnu Takudzwa Ngadziore watshaywa kakubi ngabantu abaziwayo abalokhe bengakabotshwa.

Isikhulumeli seZanu PF uMnu Farai Marapira uyakulandula ukuthi ibandla lakhe lilokwenza lokuthunjwa kwamalunga eCCC kumbe ukugondodwa kukaMasaya.