Imuli kamuyi uMnu Tapfumanei Masaya owayelilunga le CCC obulewe esemkhankasweni wokudingela ibandla lakhe usekelo kukhetho lwamaBy-Elections uthi inhlolisiso yembangela yemfa yakhe, ipost moterm kuzamele yenziwe zingcwethi ezizimeleyo hatshi abakahulumende ukuze babekwazi imbangela yokufa kwakhe.
U Masaya uthunjwe NgoMgqibelo ngabantu abangaziwayo abanakanelwa ukuba ngabacuphi abasebenza nsitha, isidumbu sakhe sazotholakala eCleveland.
Bekuhlatshelwa abanye bekhala esililweni sikaMasaya abantu bebuthene emzini wakhe eMabvuku, eHarare.
Isikhulumeli semuli, uMnu Edward Masaya utshele intathelizindaba ukuba kukhona okunuka santungwana kundlela umfowabo abhubha ngayo, esithi ingcitshi ezizimeleyo kuzamele zikukhangelisise.
"Sesimele ukuba isidumbu siye kuma independent post mortem ukuze sibe kwazi okwabulala umfowethu. Kusobala ukuba kukhona okukhona kundlela abhubha ngayo, asisoze simelele ipost morterm kahulumende."
UMasaya uthi indlela umfowabo abhubha ngayo iveza ukuba ele ibandla le ZANU PF lingabe lilakho elakwenzayo lizama ukudinga usizo kungcitshi ezizimeleyo ngalokho okwenzakalayo.
Imizamo yeStudio 7, yokuthapha umbono wamapholisa ibe liphutha njengoba isikhulumeli sawo uAssistant Commissiner Paul Nyathi ethe okwamanje usabambekile emhlanganweni esithi uzaphendula imibuzo engaqeda.
Kodwa isikhulumeli se ZANU PF uMnu Farai Marapira uthi njengebandla bayethemba umsebenzi wabodokotela bakahulumende.
"Kulilungelo labo ukuba bethumele isidumbu sikamuyi kungcitshi abazithembayo kodwa thina sithemba inhlangothi zikahulumende wethu."
Ingcitshi kwezombusazwe esebenza lenhlanganiso ye Zimbabwe Revolutionary Council, uMnu Tjenesani Ntungakwa uthi kusobala ukuba kumele kube lokukhulumisana phakathi kwe ZANU PF le CCC ukuqeda ukufuthelana okukhona elizweni ngemva kokubhubha kuka Masaya.
"Indlela abantu abahluphanayo ngayo ikakhulu amabandla lawa womabili izakwenza ukuba ilizwe lingahlaliseki. Kumele bazame ukuwothisana umlilo bakhulumisane ngalokhu kungakonakali kakhulu."
Imuli kaMasaya ithi izamelela impumela yengcitshi zika hulumende ibe isisazisa ukuba amalungiselelo omgcwabo azakuba khona nini njalo kuzahanjiswa njani.
Forum