WASHINGTON —
I-Israel ngoLwesine iqale ukumisa impi okwamahola amane ngelanga ngenhloso yokuthi abantu abasendaweni ezilempi eGaza benelisa ukuphuma besiya ezansi yalesi sihlenge.
Uhulumende waleli lizwe useveze obala ukuthi kakafuni ukuthi impi le imiswe esithi udinga ukuthi abathunjwa libutho le-Hamas baqale bekhululwe.
Uhlangothi lwezempilakahle olukhokhelwa yi-Hamas lubika ukuthi inani labantu asebefele kulimpi eGaza selifika phose inkulungwane ezilitshumi lanye (10 800), inengi lingabantwana labesifazane. Kukanti i-Israel yona ithi kulabantu abedlula inkulungwane lengxenye ababulawayo ngesikhathi i-Hamas ihlasela.
Ingcwethi yezombusazwe njalo engunobhala wenhlanganiso evikela amalungelo oluntu eye-Freedom Alliance uMnu Nhlanhla Ncube uthi kulendingeko yokuthi i-Israel leHamas zikhulumisane kumiswe limpi.
Forum