Izulu Lesiqhotho Libhidliza Isikolo Emangweni weGulati Esinqintini seMatobo

Abanye babantwana abafunda eTohwe abagoqela abakusibanga sikaGrade 2, 3 lo 4 sebefundela ngaphansi kwezihlahla ngenxa yalumanakalo.

UNkosazana Cecilia Sibanda umphathi walesisikolo uchasisa ngokubehleleyo lenhlupho asebebhekane lazo ngenxa yale ingozi.

"KwakungoMvulo emini sathi sitshayisa nje sabona kusiba leyezi kwaqalisa ukuba lomoya omkhuku sibili owawuduma sibili ingani yimota, then izulu laseliqalisa ukuna khonapho kulomoya omkhuku eles'qhotho.Sithe nje izulu liqeda ukuna after 30 minutes atholu'kuthi umphahla sokonakele akusela phahla soluphume lonke .It's a challenge besikhalela ukuthi ngabe siyafulelelwa vele singakavali lathi sisesekhona ukwenzela siphinde sibisele ifurniture yethu ngendlela, umnyaka uthi uqalisa wonk' umuntu eready."

Ikhomithi ebona ngokuthuthukisa lesisikolo iSchool Development Committee ikhala ezimathonsi. UMnu Elvis Moyo ngomunye okuli khomithi

"Izandla zethu zimfitshane besilesicelo sokuthi ngabe siyathola abangasiphakamisa basincedise sithole iC block."

Omunye umhlali wase Gulati uMnu Jobe Mnkandla ukhala ngodubo osolubhekane lesikolo seTohwe.

"Nansi isikolo sethu khona, isikolo lesi ungasikhangela asilamncele iskolo lesi okokuthi ngabe kuya ngokuya ngabe kulefence egijima laphana amaCottage wonke la abe phakathi kukhanye ukuthi iskolo lesiyana silaphana."

USobhuku walumango weGulati umnumzana Giver Kenneth Dube ucela uzulu aphathise isikolo se Tohwe.

"Abantwabethu bafundela phandle ,befundela phandle lathi sidesperate asilakho okokuthi singaphangisa siphanyeke uphahla so esiyabe sikucela'nje yikuthi wonke nje ongani ulomoya wokuncedisa thina engasincedisa,yee siyemukela ikakhulu ukuthi uphahla lwakhiwe."

Izizalwane zakule indawo esezihlala kwamanye amazwe lazo sezisungule imizamo yokubuthanisa imali yokuphathisa ukuthenga amazenge okufulela isikolo lesi. UMnu Menzy Dube ngomunye wazo.

"Siyacela kakhulu kubantwana beTohwe laseMatopo as a whole lama well wishers all over the world ukuthi besincedise ehh kulomsebenzi esibhekane nawo ,siyakwazi ukuthi iwelfare yabantwana ibaluleke kakhulu. Mangabe ukhona othintekayo ezizwa unembeza wakhe umpusher ukuthi esincedise siyacela ukuthi lis'ncedise."

UMmeli weMatobo edale lephalamende njalo engumphathintambo wezamandla ka gesi, uMnu Edgar Moyo uthi kuyabongeka okwenziwa yizizalwane zakulumango esezihlala kwamanye amazwe.

"Umbiko wafika sibili ukuthi sokube lomonakalo ngale ngathumelake abantu izigijimi ukuthi ziyefika khona ziyenze iAssessment yomonakalo owenzakalayo.Bakwenzalokho bangithumela lempikitsha yakhona ehh njengamaprocedures ang'khona ngazisa abeMinistry of Primary and Secondary Education,njengokwazi kwethu sonke amaprocesses eGovernment ayathatha iskhathi esithile.We very much want to applaud that gesture and sense of responsibility by our diasporians."

Abazali babantwna abafunda eTohwe Primary School lababalisi balesisikolo, esakhiwa ngomnyaka ka 1940 njalo silabantwana abadlula amakhulu amathathu bathi isikhathi sezulu sesifikile sebesesabela abantwana abafundela phandle.