Okuphuma emithethwandaba yeHarare kuveza ukuba amalunga amabili aweZanu PF, ababalisa uNkosazana Henrietta Rushwaya lomnumzana Munyaradzi Kereke, batshelwe ukuba bazaqhubeka bevalelwe impelasonto yonke baze bagwetshwe ngeviki ezayo kumacala abatholakale belawo, ngemva kokuba abahluleli bethe basafuna isikhathi sokuhlaziya lezi ndaba andubana bethule isigwebo. Umkhokheli wenhlanganiso yabakumsebenzi wokwemba, eye Miners Federation of Zimbabwe, uNkosazana Rushwaya utholakele ele cala lokuzama ukuphuma le golide elizweni, okungekho emthethweni.
URushwaya ubotshwa nyakenye esetheswa icala lokutholakala elegolide elilesisindo samakilogram ayisithupha-6kgs esilindweni se ndizamtshina eHarare, eseRobert Mugabe International airport, ayefuna ukuphuma lalo elizweni okungekho emthethweni.
UMahluleli kudaba luka Rushwaya uMnu Pisirayi Kwenda umtshele namhlanje ukuba usadinga ukubala olunye ulwazi olusemithethweni emitsha esanda kubekwa nguhulumende andubana aphume lesinqumo sokuthi angamgweba njani.
Uqhubeke esithi lokhu kulakho ukuncedisa uRushwaya ukuba athole isigwebo esingcono esithi kaqinisele okwensukwana esejele aze athole isigwebo sakhe.
Igqwetha lika Rushwaya, umnumzana Oliver Mharwa ubekhalakhala ngokuthi uzahlala isnuku ezinengi evalelwe emelele ukugwetshwa okulakho ukudala ukwephulwa kwelungelo lakhe.
UMharwa walile ukuthatshwa amazwi esithi uRushwaya kamvumeli ukukhuluma lentathelizindaba.
Kolunye udaba, owake waba yisiphathamandla sebhanga elikhulu lelizwe eleRBZ, uMnu Munyaradzi Kereke namhlanje umiswe phambi komthethwendaba ka Mantshi, esetheswa icala lokuqila inkampani ephathisa kundleko yhokwelatshwa eye Harare Medical Aid Society (HAMMAS) inkulungwane ezingamakhulu amane zamadollar eMelika-US$400,000.
Ingcitshi zezomthetho lezombusazwe zithi indaba lezi zombili olukaRushwaya loKereke njengoba bonke bengamalunga aweZANU PF.
Enye yalezingcitshi esebenza le nhlanganiso ye Community Solutions in Zimbabwe, uMnu Bhekimpilo Sibanda uthi amacala anje ayahupha ukuthi aphathwe njani.
"Siyabonga ukuba sebetholakale belecala. Kodwa umbuzo olandelayo yikuba bazahlala na baze baqede isigwebo sabo. Sazi njani ukuthi bazahlala baze baqede isigwebo sabo na"
Lokhu kusekelwe ngeinye njalo ingcitshi esebenza lebandla le People’s Unity Party of Zimbabwe (PUP) uMnu Hebert Chamuka othi kunzima ukuba imithethwandaba aphe izigwebo kumacala anje abantu abalosekelo lweziphathamandla ezikuhumende lakubandla elibusayo.
"Lokhu akutsho ukuba sebeguqulile indaba yokuqedelana le nkohlakalo. Okusabala ngendaba lezi yikuba bafakwe ejele ukuze abantu bathule"
Kodwa enye ingcitshi esebenza lenhlanganiso ye African Leaders Group, uMnu Philmon Tshuma uthi ukuthethwa kwamacala la, kuveza ukuba uhulumende uzimisele ukulwisana lenkohlakala.
"Kusobala ukuba uhulumende uzimisele ukulwisana le nkohlalo. Abantu laba siyazi sobala ukuba bayazwana lenye inkokheli yebandla konke kungela lalokhu bayabotshwa. Uhulumende uyazama ukulwisana le corruption "
Kusenjalo, kuphuma imibono etshiyeneyo ngokupahathelane lesicelo sesinye isizalwane se Zimbabwe uMnu Freeman Chari sokuba ukhitshe kungwalo zomthetho yelizwe, umthetho wePatriotic Act, wona ojonge ukubophisa labo abakhuluma kubi ngeZimbabwe.
Ingcwethi ecubungula ezomthetho eligqwetha elake lasebenza njengo mutshitshisa uMnu Silence Siduli uthi umthetho wePatriotic Act ulakho ukungakhitshwa ngenxa yokungathembeki kwemithethwandaba yase Zimbabwe.
"Akula okuzakwenziwa ngoba imthethwandaba yethu iyasetshenziswa ngabakkukwekombusazwe. Angithembi ukuba umthetho lowu uzakhitshwa "
Kodwa ingcitshi esebenza lenhlanganiso ye Leaders for Africa Network (LAN) uMnu Teddy Ncube uthi ukuphikisana lalu mthetho kuveza ukuba uChari labanye bakhe kabathandi ele Zimbabwe.
"Kuyamangalisa ukuba kulomuntu oya edale ukulwisana lomthetho lowu. SIthemba ukuba akusoze aphumelele ngoba unhumthetho usikhokhelayo ukulwisana lezijeziso zomnotho "
Umthetho we Patriotic Act usolwa ngabanengi abayibona kuyindlela kahulumende weZanu PF, yokujezisa labo abalemibono etshiyene lekahulumende isephula ilungelo labantu lokukhuluma mgceke besola okuyabe kuwonwe nguhulumende kodwa yena uhulumende uthi uwethula ngenhloso yokulwisana lenkohlakalo.
Forum