Ngolwesibili, mhlaka 7 Lwezi lilanga lapho amabandla ezombuszwe labazimele bodwa ababhalisa khona amagama abo eNomination Court ukuthi bathole ukuncintisa kukhetho lwama By-elections oluzakwenziwa mhlaka 9 Mpalakazi ngenyanga ezayo.
Lokhu kulandela ukuxotshiswa kwamalunga ePhalamende leSenate kunye lama khansila ebandla le Citizens Coalition For Change ngu Mnu Sengezo Tshabangu ozithi ungunobhala walelibandla.
Umthethwandaba waphezulu oweHigh Court ngoMgqibelo ulahlele khatshana udaba obe luphanyekwe ngabeCCC, olokuphikisa ukuxotshiswa kwamalunga alelibandla ephalamende leSenate, nguTshabangu. Abamabandla ezombusazwe ambalwa agoqela iZanu PF, Zapu lamanye aseveze isifiso sokuncintisa kukhetholwamaBy-elections lwenyangezayo.
UMnu Sengezo Tshabangu ozithi ungunobhala jikele osabambe intambo kulelibandla uthi lanxa exotshise amalunga alelibandla bakhona asebekhethiwe ukuthi bancintise kukhetho oluzayo lwama by-elections.
"Siyalamukela njalo ijudgement yenkantolo ephezulu yeZimbabwe .Abantu beZimbabwe bawinile yibo ade bekuTrial izolo, njalo siyangena kuBy-Election.Asisoke siyekele ispace idemocractic space for that matter ukuthi singaze sangeni ,yithi esasicreateryo kumele singene kuBy-election."
Obona ngezokhetho kubandla le CCC njalo engu Mayor we Harare uMnu Ian Makone uthi abaxotshwayo bonke bayabhalisa ukuncintisa eNomination Court .
"Into nxa ingeyakho owayitholayo ngeyakho awekeli. Ngikhangelele ukuthi asekeli lapho esabamba khon, ngakho siyangena kuphela."
Ibandla le Zanu-PF lithi likhangele ngamehlo abomvu ukuthi lincintise njalo selilungiselele. UMnu Archie Chiponda yisikhulumeli saleli bandla ko Bulawayo.
"IZANU-PF isilinde ukhetho lwama by elections. Sesiqedile uhlelo lokwenza ama primaries elections. Sizwa idlabuzane elikhulu njalo siqeda ukukhankasela ukhetho njalo siready. Kusasa abazasimela sebelindele ukubhalisa amagama eNomination Court ukuthi bancintise njalo asiboni lutho olunzima ngoba sihlezi sihlelekile entwine zethu."
Isikhulumeli sebandla le Zapu uMnu Mso Ndlovu uthi iZapu iyancintisa kulolukhetho ngoba kuyizifiso zikazulu.
Inengi labantu bathi singaniki ithuba iZanu PF ukuthi iyenze mathanda ezigabeni zethu so ngakho ke thina njenge Zapu sizaContesta kulolu ukhetho ehh, kuba By-Elections wonke akuCouncil lakumaMP, kodwa siyathembisa ukuthi iZapu izafaka amaCandidate alesizotha , amaCandidate athembekayo.
Ibandla le United Zimbabwe Alliance lithi lalo liyancintisa kuma by-elections. Umfundisi Frank Mhlanga ngumsekeli kamongameli walelibandla uthi sebelindele ukubhalisa ukuncintisa.
Thina siliqembu eli very serious ukuthi silungise ilizwe, ilizwe libuyele esimeni esingcono kakhulu. Sizalisa ngokuya kwesikhathi ukuthi ngabobani abazamela izigamba ngezigaba ezigabeni ezithile amaMP lamaCouncillors .Sifis'ukubona ilizwe leli lithuthuka lisibangcono libuyela kulesiya simo sakudala okwakuthiwa yiBread Basket of Africa abantu baziqhenye ngelizwe labo.
Inhlanganiso ebona ngezokhetho ye Zimbabwe Electoral Commission ithi isilungiselele inomination court kusasa. Esinye seziphathamandla zeZEC uMnu Utloile Silaigwana uchaza kabanzi ngohlelo lwaNgolwesibili.
Umthethwandaba owe Nomination Court ukhangelelwe ukuqalisa umsebenzi wokubhalisa abafisa ukuncintisa kukhetho lwamaBy-elections ngo10 ekuseni kusasa, ugqibe umsebenzi ngo4 emini yantambama.
Abekhomishini ebona ngezokhetho eye ZEC bathi nxa kuyikuthi u4 engatshaya imali emele ibhadalwe ngababhalisayo eyinkulungwane eyodwa yamadola eMelika-US$1,000 ingangenanga kodwa belengwalo eziveza ukuthi bayifakile ebhanga abosoze bamukelwa.
Forum