Uhulumende uthi uzinikele ukuthuthukisa impilo yabongi ngenjongo yokubatholisa iholo elithengayo, kanye lokwenza ukuthi indawo abasebenza kizo zibe lakho konke okwenza umsebenzi wabo uhambe kuhle.
Kodwa ezinye ingcwethi zithi njengazo zonke izikhathi, uhulumende uyathembisa, kodwa engasoze agcwalisise izithembiso zakhe.
Lokhu kuphume emkhosini wokuphiwa izithupha zokuphutsha izifundo kwabongi, esibhedlela seSallyMugabe Central Hospital, eHarare ngumphathintambo obona ngezempilakahle, uMnu. Douglas Mombeshora.
“Siyakwazi ukuthi kunengi okulihluphayo njengabongi, kodwa uhulumende uzama konke okusemandleni akhe ukukulungisa. Umsebenzi eliwenzayo mkhulu kakhulu, njalo kudingakala ukuthi ubhadalwe okufanayo. Ngaphandle kwemali, sizazama ukuthi lithole okungalinceda ukuphila.”
Kodwa isikhulumeli sebandla eliphikisayo eleCitizens Coalition for Change, uMnu. Promise Mkhwananzi uthi umlomo kahulumende weZanuPF, kawugcwalelwa mfula.
“Uhulumende uqamba amanga, kasoze athuthukise impilo yabomongikazi. Uthatha imali yelizwe esiphainhlanganiso ezifana leFAZ. Angikholwa ukuthi engaqakathekisa ukukhweza iholo labomongilabodokotela, kanye lokuthenga imitshina efunakalayo ezibhedlela.”
Abongi kweleZimbabwe babikwa behola, amadollar eMelika angamakhulu amabili lengxenye-US$250 ngenyanga, kanye lezigidi ezimbili zedollar leZimbabwe(ZWL$2mill) okuliholo abathi liphabnsi kakhuluelingeneli ukuziphilisa bona lemuli zabo
Ingcwethi zabakumsebenzi wezempilakahle zithi iholo eliphansi elitholwa ngabongi, kanye lokusweliswaokokusebenzisa okwaneleyo emsebenzini, yizo zezinye zezizatho ezenza ukuthi bebaleke ekhayabesiyadhinga amadlelo aluhlaza kwamanye amazwe.
Omunye umongikazi ophiwe ugwalo lokugqiba izifundi zakhe, emkhosini lo, uNkosikazi Sithembile Hove, uthi baqakathekile kakhulu abongi.
“Thina omongikazi, ikakhulu abasebenza labomama abazithweleyo silomsebenzi omkhulu wokuncedalaba omama, kanye labantwababo. Ngiyathaba kakhulu ukuthi khathesi sengisenelisa ukusebenzisa ulwazilwami ukubanceda. Banengi omama abafela ezindlini ngenxa yokuswela uncedo- mina ngizimisele ukuthiokunje kuphele.”
Kodwa omunye njalo umongikazi wakoBulawayo, uNkosikaziThembelihle Masuku, uthi usenyampa inhliziyo ngokuswela umsebenzi elizweni.
“Mina sengile 3yrs since i graduated but angikatholi umsebenzi obambekayo. Ithemba seliphela ukuthingizazuza yini umsebenzi kumbe ngizabe ngilokhu ngingkhaya. Sengicabanga ukuyadinga phandlekwelizwe. Ngizwa kuthiwa eNamibia, eU.K kuyatholakala imsebenzi.”
Unobhala wenhlanganiso yabongi, eye Zimbabwe Nurses Association, uMnu. Enock Dongo, uthiuhulumende kumele aphange alungise inhlupho zabongi, ukwenzela ukuthi bengabalekeli bonkeemazweni.
“Nxa udaba lwezimali zeholo lungalingiswa, kanye lokutholiswa okokusebenzisa okwaneleyo, inanilabomongikazi abaphuma elizweni lingaba lilutshwane. Kufuna ukuthi sikhulumisane, sisebenzendawonye ukuthi singalahlekelwa ngomongikazi.”
Ikomishini ebona ngezempilakahle, eyeHealth Services Commission, yakhipha ugwalo olwaveza ukuthinyakenye, ilizwe lilahlekelwe ngabongi abafika inkulungwane phose ezimbili(1 700), besiya emazweniagoqela eleBhilitani, Canada, Australia leleMelika.
Kodwa bayamsola uhulumende, abanye abongi, besithi usephuza ukubatholisa ingwalo eziqakathekileyo, ezilakho ukubenza benelisisa ukuthi bedinge imisebenzi kwamanye amazwe.
Ngolwesihlanu, abongi abaphezu kwekhulu (137), baphiwe izitshupha zokugqiba izifundo, esibhedlela seSally Mugabe Central Hospital esise Harare.
Forum