Amacele Alwisanayo Empini yeIsrael leHamas Akhuthazwa Ukulondoloza Ilungelo Loluntu

Umongameli weMelika umnu Joe Biden usekhuthaze ukuthi i-Israel leHamas zike zime ukulwa okwesikhatshana ukuze kuphathiswe abalimeleyo njalo kukhululwe abathunjiweyo lababotshiweyo.

Lokhu kuza ngesikhathi amacele omabili la esevumelane ukuthi izizalwane zakwamanye amazwe lamaPhalestina alimeleyo bavunyelwe baphume esihlengeni Gaza bengena e-Egypt, njalo sekulabantu abedlula amakhulu amathathu asebephume esihlengeni lesi.

Uhlangothi lwezempilakahle olwamaFilistiya luthi abantu abedlula inkulungwane eziyisitshiyagalo lunye (9 000) bafele kulimpi kukanti e-Israel kubikwa kwafa abantu abedlula inkulungwane lamakhulu amane (1 400).

Amabutho e-Israeli aqhubekele phambili engena enzikini yesihlenge seGaza ngesikhathi amanye amazwe ekhuthaza ukuthi kumiswe impi okwesikhatshana ukuze kuphathiswe abalimeleyo.

Inhlanganiso yomanyano wamazwe omhlaba eye-United Nations itshengisele ukukhathazeka ngenxa yokuhlasela kwele Israel endaweni ehlala iziphepheli eye-Jabaliya refugee camp.

Exoxa leStudio7, ingcwethi yezombusazwe njalo engumbalisi ekolitjini le National University of Science and Technology (NUST) Umnu. Stevenson Dlamini ukhuthaze amazwe omabili ukuthi ahloniphe impilo njalo avikele abangahlomanga ngokulandela umthetho we-International Humanitarian Law.

Embed share

Ingxoxo loMnu Stevenson Dlamini

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:27 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala