I-Israel leHamas Zikhuthazwa Ukuthi Zikhumisane Umlotha Impi Ingakamemetheki

Uhlangothi lwezomvikela kunhlanganiso yomanyano wamazwe omhlaba olwe-UN Security Council ngoLwesibili luqhube umhlangano wokuhlaziya impi ephakathi kwe-Israel lebutho le-Hamas.

Lumhlangano uqhutshwa ngesikhathi iMelika icebise i-Israel ukuthi ime ukuthumela amabutho ayo egaza ukuze kukhulunyiswane kukhululwe abathunjiweyo, njengoba kusesatshelwa ukuthi impi le ilakho ukumemetheka e-Middle East.

Okwakhathesi ibutho leHamas selikhulule abanye abantu ababili akade bethunjiwe, kusitsho ukuthi sekulabantu abane asebekhululiwe.

Abantu abafika phose inkulungwane lengxenye (1,400) babulewe e-Israel abanengi bebulewe ngelanga iHamas ihlasela, mhlaka 7 Mfumfu. Uhlangothi lukahulumende wePalestine olwezempilakahle luthi abantu abafileyo eGaza sebesedlula inkulungwane ezinhlanu lengxenye (5,791).

Ekhuluma leStudio7 uMnu Raphael Mthombeni ongumqondisi wenhlanganiso ephathisa abalimi eye-Intuba Community Projects ukhuthaze ukuthi kumiswe limpi ingakamemetheki eMiddle East.

Embed share

Ingxoxo loMnu Raphael Mthombeni ngempi yeIsrael/Hamas

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:13 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala