Uhulumende uthi abamabhizimusi amancane kumele bengasabeli khatshana ukusetshenziswa kwedola leZimbabwe, kubathengi, hatshi eleMelika kuphela.
Lokhu kwethulwe ngumphathintambo obona ngezamafekithali, uNkosikazi Sithembiso Nyoni, ngemva kokwethekelela osomabhizimusi amancane laphakathi laphakathi, athengisa ukudla lokunye, aseHarare.
Ngemva kokuvakatshela lawa mabhizimusi, uNkosikazi Nyoni utshele intathelizindaba ukuthi kunengi okumele kwenziwe ngosomabhizimusi asachathulayo ekulandelweni kwemithetho yelizwe.
Ekhuluma leStudio 7, othengisa impahla ekoBulawayo, uNkosikazi Winnie Moyo, uthi isifiso sokusebenzisa imali yakuleli ulaso, kodwa kungatshabalalisa ibhizimusi lakhe.
Umqondisi wekomitshini emela abathengi, eye Consumer Protection Commission, uMnu. Zororai Muranda, uthi kunganceda abathengi, nxa izitolo ezincane lezi, zingavuma ukusebenzisa imali yakuleli, eholwa ngabanengi.
Kodwa ingcwethi ecubungula ezomnotho welizwe, njalo efundisa ekholitshini leNational University of Science and Technology (NUST), uthi imali yakuleli ayiqinanga okokusebenzeseka.
Kukhanya kulokwehlukana kwemibono kuhulumende, ngoba ugatsha lwezomnotho, lushayela ihlombe abamabhizimusi asakhulayo, kodwa ibhanga elikhulu lelizwe lisithi lawa mabhizimusi afuna ukuhlolisiswa ngoba engaba esebenza okuphambana lemithetho yelizwe.
Kodwa uNkosikazi Nyoni namuhla uthembise ukuthi uhulumende uzasebenza gadalala ukuthi ephathise amabhizimusi asachathulayo lawa.
Forum