Umthethwandaba usunqume ukuba udaba lukaMnu. Sengezo Tshabangu ozithi ngunobhala jikelele webandla le CCC, kumele lwahlulelwe mhlaka 2 November enkantolo yeHarare.
Kulendaba ezimbili ezafakwa yiziphathamandla zebandla le CCC emthethwandaba.
Olwakuqala lwafakwa nguMnu. Prince Dubeko olunye lwangeniswa enkantolo nguMnu. Gideon Shoko labanye abayisitshiyangalombili.
Amagqwetha amela uMnu. Tshabangu asecele ukuba indaba zombili zixhumaniswe zithethwe ndawonye.
Umthethwandaba ubuthe kumele kusiyafika elayizolo uTshabangu ebe esethulele idale amaphepha okuphikisa icala aletheswayo elokuzenza isiphathamandla sebandla le CCC.
Asenelisanga ukuzwa ukuthi wenelisile na ukwethula amaphepha akhe.
Isikhulumeli sika Tshabangu, uMnu. Khaliphani Phugeni utshele iStudio Seven ukuthi mpela amaphepha bawatholile.
Kusenjalo, uMnu. Tshabangu uveza uluhlu lwamalunga e-CCC athi kwakufanele ancintise kukhetho olwedluleyo, kodwa akhitshwa ngoba abakhokheli bebandla leli befuna kungene abakhethwe yibo.
UMnu. Tshabangu usebaxotshile ephalamende lekhansili labo athi abakhethwanga ngabantu.
Isikhulumeli sakhe uMnu. Phugeni uchasisela uSithandekile Mhlanga weStudio 7 ngaloludaba.
USithandekile uphinde waxoxa lomsekeli wesikhulumeli sebandala le CCC, uMnu. Felix Magalela Mafa Sibanda.
Forum