Kuliviki kuhlelo Woza Friday silomculi we ngoma zokholo uMinenhle Dube odabuka eGwanda. Kulezinsuku ucula esePretoria kwele South Africa ezama ukuthuthukisa umculo wakhe.
UMinenhle uzelwe ngo 1986 emajawundeni eGwanda. Asizwe imbali yakho ngamafitshane Minnie.
"Ngikhulele eGwanda ngafunda khona, okwamanje ngomsebenzi ngise Pretoria. Ngiqale ukuhlabela ngisemcane ePrimary school bengiyingxenye ye school choir lase secondary school njalo lase sontweni bengingxenye ye church choir. Ngijoyine amanye amaqembu ezomculo le arts eGwanda ngikhula ngafoma lamanye ama groups besicula nje kuma functions amanengi emfeni emshadweni lama competitions amanengi saze sayafika kumusic crossroads.
Akutshele abaleli ngalumculo wakho, ulamadlalade amangaki njalo ingoma lezi zibhalwa ngubani?
"Ngilengoma ezingu 13 okwamanje. IAlbum yami yakuqala ngayirecorder ngo2019 lamanye nje ama singles ebelokhu ngiwa recorder. Lonyaka ngi recorde ama singles angu 3 engiwa lontshe a few weeks back. Ingoma ezinengi ngiyazibhalela then kulezinye nje ezingama folks songs, ama chorus engiwangezelela amagama nje."
Ekuthandeni ukucula esemncane uMinenhle uthi kukhona abamenza waba lomdlandla wokucula ingoma zokholo.
"Abaculi who inspired me endleleni yami yomculo wezokholo abafana lo Rebecca Malope, uIvy Khombo, le Mahendere Brothers. Okwamanje ngisizwe ngabanye ngemibono endleleni yezomculo wokholo abafana lo Carol Muzambi lo Plaxedis Madora. Emculweni wami okwamanje ngisebenza loProducer abamuthi ngu Diva Size."
UMinenhle Dube umculo wakhe uyatholakala balaleli, limfakele izandla limlandele njalo lemakhasini okuzilibazisa. Batshele MaDube.
'Ingoma zami zitholakala kuYou Tube okwamanje lingafika khona njalo silefacebook page lingasilandela, sile Tiktok and sisazongena kwamanye ama platforms.
Besikwejise lo Minenhle Dube kuhlelo Woza Friday namhlanje esiphakulela umculo wakhe wengoma zokholo. Unkulunkulu alilondoloze libe lempelasonto enhle.
Forum