IStraight Outta Mpopoma Imanyana Lezikolo Ekulwiseni Izidakamizwa

Abantwana bezikolo ezimbalwa, amakhansila, ababalisi labamele inhlanganiso yeStraight Outta Mpopoma ngoMvulo bebethe gwaqa eNkulumane Primary School lapho obekukhuthazwa ukuba abatsha bengathathi izidakamizwa.

Bekulemidlalo etshiyeneyo, kudliwa njalo abantu becebisana ngendlela zokulwisana lezidakamizwa ezikhathaza uzulu.

UNkosazana Eugenia Sibanda, ilunga leStraight Ouuta Mpopoma eyabunjwa ngabadabuka kwele Zimbabwe abahlala kwele Melika, uthi balimukisa abantwana ngengozi yokuthatha izidakwamizwa.

"Sphakathi kohlelo lokulimukisa abantwana ezikolo ngobubi bokuthatha izidakwamizwa ngoba inengi labantwana abangabafana sebethatha izidakamizwa.

Umfundisi webandla leBrethren-In-Christ Church eMpopoma, uCarlton Ndlovu, uthi ibandla, izakhamizi lezikolo zikhathazekile ngokuthathwa kwezidakamizwa.

"Inengi labazali likhala ngabazukulu labantwana asebethatha izidakamizwa okucina kubangela ukuthi bangaphatheki becine bezodinga usizo enkonzweni."

Umlingisi uZenzo Nyathi uthi ikusasa yelizwe iyatshabalala.

"Intsha yethu Iya igugudeka unganazelela inengi labatsha abayikusasa yethu bathatha izidakamizwa."

Umzali ohlala eMpopoma, uNkosazana Nyaradzo Munandi, uthi inengi labazali likhathazekile ngenani labafundi abathatha izidakamizwa.

"Uhlupho lwabantwana aabathatha izidakamizwa luhlupha abazali abanengi njalo luqala kancane luye lukhule luze lukhathaze lelizwe."

Okunye okuthwalise nzima abantwana butshwala okuthiwa yintshengu. Inani labantwana abathatha izidakamizwa eZimbabwe liyakhuphuka njalo lezibhedlela ezigcina abantwana abaphambana inqgondo kulandela ukuthatha izidakamizwa lobanje uhulumende engakhuphi inani eliyilo elabafundi abadinga ukwelatshwa ngemva kokuthatha izidakamizwa.

\Inhlanganiso yamazwe omhlaba yezempilakahle iWorld Health Organisation ithi abantwana abaphambana ingqondo ngemva kokuthatha izidakamozwa kuzwekazi leAfrica phakathi kwabantwana abaleminyaka engamatshumi amahlanu kusiya phose amatshumi amabili - 19 banatha kakhulu okudakayo. Abesilisa abangamatshumi ayisikhombisa ekhulwini 70.7 percent kuthi abesifazana bakusilinganiso esingamatshumi amahlanu lanhlanu ekhulwini - 55 percent abathatha okudakayo eAfrica.

Kucwaningo olwenziwa ngomnyaka ka2021 yinhlangniso yeZimbabwe Civil Liberties and Drug Network ithi izigulane ezingamatshumi ayisithupha ekhulwini 60 percent eZimbabwe ezilaliswa ezibhedlela zabagula umkhuhlane wengqondo ngabathatha izidakamizwa. Abangamatshumi ayisificaminwe mibili ekhulwini – 80 percent, ngabaleminyaka engulitshumi lasithupha - 16 kusiya kwabaleminyaka yokuzalwa engamatshumi amabili lanhlanu - 25 kuhlanganisa lamankazana abasezikolo.