Abantu abafika inkulungwane sebefile kulandela ukuqhamuka kwempi izolo phakathi kwele Israel lele Palestine.
Abezindaba abeReuters labe Associated Press babika ukuba iHamas, ehlasele kwele Israel kusukela izolo ekuseni edolobheni leSderot lamanye, isibulele abantu abafika amakhulu ayisithupha - 600 kuthi njalo eleIsrael selibulele abafika phose amakhulu amane – 370 ePalestine.
IHamas ithi ithumbe amasotsha amanengi akwele Israel lezizalwane zakulelolizwe. Kulezizalwane zakwele Melika okubikwa ukuba zithunjwe yiHamas.
Ukhokheli wakwele Israel, uMnu. Benjamin Netanyau, uthi izaqhubekela phambili impi le kuze kwehlulwe iHamas.
Kusenjalo, iHezbollah yakwele Lebanon, elwisana lele Israel, isihlasela kwele Israel isithi sebekhathele ngokwenziwa lilizwe leli. EleIsrael lithi lizaphindisela njalo lizatshaya kuzwele eGaza Strip ePalestine.
Kwele Melika, uMongameli Joseph Biden uthi basekela eleIsrael empini le, elakho ukuqhubeka okwesikhathi eside.
Ukuze sizwe okunengi ngodaba lolu, sixoxe loNkosazana Vivian Nomalanga Bhebhe, odabuka eZimbabwe ohlala eTel Aviv kwele Israel. UMaBhebhe uthi kuyethusa okwenzakala kulelolizwe.
Forum