Ingcwethi kwezomnotho zithi eleZimbabwe lehluleka ukuthuthuka ngemfanelo ngenxa yokufuthelana okuselizweni kulandela ukhetho olulempumela aphikiswa libandla leCitizens Coalition for Change lamanye.
Uhulumende uthi umnotho weZimbabwe ulakho ukuthuthuka kahle, ikakhulu uma abadabuka elizweni leli bevula amabhizimusi atshiyeneyo. Uhulumende kaMongameli Emmerson Mnangagwa uqhubekela phambili ezama ukukhanga osomabhizimusi bakwamanye amazwe labantu elizweni ukuba bevule amabhizimusi phansi kwezihloko ezithi ‘Zimbabwe is Open for Business” njalo lesithi ‘Ilizwe Lakhiwa Ngabanikazi Balo’. Bakhona abadabuka eZimbabwe abavula amabhizimusi kodwa kukhanya engani umnotho kawuthuthuki kahle. UMnu. Shaun Matsheza, osebenza kunhlanganiso yeTransnational Institute, uthi kumele kulungiswe ezombusazwe ukuze umnotho uthuthuke ngemfanelo. Lapha ukhuluma ezimele.
UMatsheza uthi kumele abantu besebenze ndawonye ukuze kuthuthukiswe umnotho weZimbabwe.
Eyinye njalo ingcwethi kwezenotho, uMnu. Rejoice Ngwenya, uthi okuhluphayo kwele Zimbabwe yikuthi uhulumende kehlukanisi ezombusazwe lezomnotho.
Kunengi okumele kwenziwe ukuze umnotho uthuthuke ngemfanelo.
Uhulumende wakwele Zimbabwe uthi umnotho wathuthuka ngokuyisilinganiso sokune ekhulwini – 4 percent ngomnyaka ka2022. Kukhangelwe ukuba umnotho uzathuthuka lonyaka ngokuyisilinganiso sokuyisithupha ekhulwini – 6 percent.
Forum