Ibandla leCCC Lithi Kalisoze Lihambe Ephalamende uMnangagwa Esungula Ihlelo Zedale Leli

Ibandla leCitizens Coalition for Change lithi amalunga alo asedale lephalamende kawasoze ehambe eMount Hampden kusasa ngesikhathi uMongameli Emmerson Mnangagwa esungula inhlelo zedale leli.

UMnu. Promise Mkhwananzi, isikhulumeli seCCC, uthi benze isinqumo lesi ngenxa yokuthi ukhetho kaluqhutshwanga ngemfanelo ezimbabwe.

UMkhwananzi uthi bakhangelele ukuba iSADC izangenela kudaba lolu ibambe ngamandla ibandla elibusayo kuzwe kwenziwe olunye ukhetho eZimbabwe.

Kodwa abakubandla leZanu PF bathi iCCC idlala ngozulu ngoba akulakhetho oluzaqhutshwa yi-SADC kwele Zimbabwe.

UMnu. Joseph Tshuma, okudala leZanu PF Central Committee, uthi ukhetho solwedlula ngakho-ke ibandla leCCC sekumele likhangelane lezokuthuthukisa ilizwe.