Abakubandla leCitizens Coaltion for Change bathi akulangqubekela phambili ezakuba khona eZimbabwe uma kungenziwanga olunye ukhetho lonyaka.
Bathi balethemba lokuthi inhlanganiso ye-Southern African Development Community izabanceda ekuqhubeni olunye ukhetho loba ibandla le-Zanu PF lisithi kabakhohlwe ngokhetho.
Eyinye inkokheli yenhlanganiso le isanda kwenza umhlangano we-SADC Troika okukhulunywe kabanzi ngokhetho oluqhutshwe kwele Zimbabwe ngoncwabakazi.
Abazi ngokwenzakale emhlanganweni lo bathi kwamukelwa okwethulwa yiSADC Election Observation Mission eyathi ukhetho aluqhutshwanga ngemfanelo.
Kukhangelelwe ukuba okulotshwe yi-SADC Election Observation mission, eyayikhokhelwa nguMnu. Nervers Mumba wakwele Zambia, kuzanikwa uhulumende kaMongameli Emmerson Mnangagwa othi alusoze luphindwe ukhetho eZimbabwe.
Forum