Umdlali womsebenzi wokulibazisa uzulu njalo ongumlobi wemidlalo odabuka kwele Melika, uHeather Massie, ngomunye wabaphatheka kumcimbi walonyaka oweIntwasa Arts Festival koBulawayo lapho abukisa umdlalo wakhe eBulawayo Theatre, olesihloko esithi HEDY! The Life & Inventions of Hedy Lamarr.
Umcimbi weIntwasa Arts Festival ungene kusuku lwesithathu lamhlanje lapho umdlali waseMelika uHeather Messie abukise owakhe umdlalo.
UHeather olezicoco ezinengi ezigoqela ese-Outstanding Actress in a Staged Reading; Planet Connections Theatre Festivity, Festival Bestseller, United Solo Festival; Best Actress ngomnyaka ka2017 lezinye, wamela eleMelika ngomnyaka ka2008 emcimbini weIntwasa Arts Festival koBulawayo. UChasisa akweza emcimbini lo.
"Ngokwesibili ngilapha eZimbabwe ngizodlala umdlalo wami njalo umcimbi weIntwasa uqakathekile ekugcineni amasiko."
UMqoqi weIntwasa Arts Festival, uNkululeko Nkala, uthi umcimbi walonyaka ubuthanise abantu abanengi ukwedlula nyakenye.
"Umcimbi wethu weIntwasa Arts Festival uqale NgoLwesibili uyaphela NgoMqgibelo njalo siloHeather osuka eMelika uzabe ebukisa umbukiso wakhe kuhlanganisa lezinye inhlelo ezehlukeneyo labasakhulayo lozulu endaweni ezehlukeneyo koBulawayo. Silabafundi njalo abasuka eBinga abazabe bebukisa imigido yakibo."
Umcimbi walonyaka oweIntwasa Arts Festival uqhutshwa phansi kwesihloko esithi, "lmagine it, Experience it." Uqale NgoLwesibili uyaphela NgoMgqibelo.
Forum