Uhlangothi lukahulumende olubona ngezemfundo kwele Zimbabwe luthi umkhuhlane wohudo oqhamuke eBuhera, Bikita leZaka okubikwa ukuba ubulele abantwana ababili, usemphakathii hatshi ezikolo.
Lokhu kuza ngemva kokuba abenhlanganiso elwela ilungelo labababilisi eyeAmalgamated Rural Teachers Union of Zimbabwe, bekhuthaza uhulumende ukuba avale izikolo ngemva kokuqhamuka komkhuhlane lo ezigabeni lezi.
Isikhulumeli sogatsha lwezemfundo yePrimary leSecondary, uMnumzana Taungana Ndoro, uthi balusizi kakhulu ngalokho okwehlele abafundi emangweni weZaka leBikita. UNdoro uthi uhulumende wenza konke okusemandleni akhe ukulondoloza abantwana ezikolweni zonke zelizwe.
Isikhulumeli enhlanganisweni yeARTUZ, uMnumzana Thembakuye Moyo, uthi umkhuhlane lo umemetheke elizweni.
UMoyo ukhuthaza uhulumende ukuthi aqakathekise impilo kazulu.
UMnumzana Ben Moy, isiphathamandla senhlanganiso yezakhamizi eyeBulawayo Progrssive Residents Association, upha umbono wakhe ngesimo seCholera ezikolweni.
Okwamanje kubikwa ukuba umkhuhlane lo umemetheka eBuhera, Bikita, Zaka, Mhondoro Ngezi lezinye indawo.
Umkhuhlane wohudo wabulala abantu abedlula amakhulu amane kusukela ngomnyaka ka2008 kusiya ku2009. Ababanjwa ngumkhuhlane lo ngalesosikhathi babesedlula inkulungwane ezilikhulu - 100,000.
Forum