Owake waba ngumongameli wakwele South Africa, umnumzana Thabo Mbeki, utshele umsakazo weSABC uthi kumele amabandla ezombusazwe athi eleZanu PF lele Citizens Coalition for Change ahlale phansi akhulumisane ngokubuswa kwalelo lizwe.
Lokhu kuza kulandela ukhetho olubikwa lungaqhutshwanga kakuhle mhla ka23 ngoNcwabakazi, lonyaka.
Abebandla eleCCC, labamanye amabandla aphikisayo, lenhlanganiso ezizimeleyo eziselizweni lezakhamanye amazwe ezabuya ukuzohlola ukhetho bathi ukhetho aluqhutshwanga kuhle kukanti abebandla elibusayo eleZanu-PF besithi lwaqhutshwa kuhle.
UMbeki wethule amazwi la, esedolobheni leNew York, kweleMelika ngesikhathi kuqhutshwa umhlangano omkhulu wamazwe womhlaba, owe-United Nations General Assembly.
Ukutsho lokhu uMbeki ngoba ungomunye wabaphathisa kakhulu ekulotshweni kwesivumelwano phakathi kweZanu-PF le MDC-T esakhokhelela ekubunjweni kukahulumende womanyano owagcotshwa ngomnyaka ka 2009 eZimbabwe.
Forum