Umthethwandaba ka Mantshi oweHarare, wedlulisele phambili udaba lokwethula isinqumo ekuthethweni kwecala lowayengummeli weZengeza West, edale lephalamende, uMnu Job Sikhala lokutshotshozela udlakela.
UMantshi wehluleke ukuza emthethwandaba esithi ube ekomunye umhlangano.
Umthethwaba lo, uthi isinqumo ekuthonisweni kwaleli cala sesizakwethulwa ngoLwesibili weviki ezayo okutsho ukuba uSikhala uzaqhubeka esejele selokhe wavalelwayo ngomnyaka odluleyp.
USikhala wetheswa icala lokutshotshozela udlakela ngesikhathi kusenziwa ukhetho lwama by elections endawonye lo Meya wedolobho le Chitungwiza uMnu Lovemore Maiko.
Igqwetha lika SIkhala uMnu Freddy Masarirevu uchasisele intathelizindaba okwenzakale emthethwandaba NgoLwesihlanu.
“Wetheswa icala leli ngoluku tshotshozela udlakela njalo wetheswa ndawonye lo Meya we Chitungwiza umhlonitshwa uLovemore Maiko. Sencitshwe ibail okwedlula itshumi”
Uqhubeke esithi kusobala ukuba uSikhala kalacala ngendlela alokhe eqhubeka esejele yena engakagweja kumacala wonke womathathu awetheswayo.
“Siyamangala ukuba kungani elokhe esejele yena wabotshwa kumnyaka odluleyo. Lokhu kuphazamisa ilungelo lakhe elikusisekelo sombuso”
USikhala ubotshwe ngomnyaka odluleyo ngesikhathi emela ilunga le CCC uNkosazana Moreblessing Ali owabulawa ngabacatshangelwa ukuba ngabasekeli be ZANU PF.
Ulamacala amathathu asemthethwandaba abalisa elokuphehla udlakela, ukufuna ukugqnulha uhulumende lelokufuna ukuphazamisa umsebenzi wamapholisa.
Kolunye udaba, amalunga ebandla le Citizens Coalition for Change (CCC) ayisikhombisa- 7, abikwa exotshwe umsebenzi kuhlangothi lukahulumende olubona, ngenhlelo zokulimukisa uzulu ngezengculaza, olwe National Aids Council. Isizatho kuyikuthi baphatheke kukhetho bemele ibandla leli bengama polling agents. Abantu laba bebesebenza ku ward 7 e Muzvezve esabelweni seMashonaland West.
Lokhu kubikwe ngelinye ilunga le CCC eMashonaland West elingathanda ukuvezwa igama ngoba lisithi kalingavunyelwa ukukhuluma lentathelizindaba.
Imizamo yokuthola okunengi kusikhulumeli se CCC uMnu Promise Mkhwananzi lomsekeli wakhe uMnu Gift Siziba yehlule ngoba bengangaphenduli imibuzo ethunyelwe yi Studio 7 njalo bengasabeli umakhalwekhukhwini.
Umholi we National AIDS Council uMnu Benard Madzima uthi kungamanga ukuba iNAC ixotshe abantu laba.
“IMuzvezve iphansi kwe Chegutu district. Endaweni leyi silesisebenzi esisodwa. Abantu laba kabasebenzeli thina. Angazi ukuba kwenzelwani lokhu”
Iyaqhubeka iphuma imibiko yokuhlukumezwa kwamalunga ebandla eliphikisayo, eleCCC ngemva kokhetho, wona esithi lokhu kwenzelwa ukuthi bamukela impumela yokhetho abathi kaluqhutshwanga ngemfanelo. Ibandla le ZANU PF labomthetho bayakulandula lokhu.
Forum