IZimbabwe Inanza Usuku LweInternational Day Of Democracy Ngemva Kokhetho Olubikwa Lungaqhutshwanga Kuhle

IZimbabwe imanyane lamanye amazwe omhlaba ekunanzeni usuku olwe International Day of Democracy ngesikhathi ilizwe liphuma kukhetho olusolwe ngabamabandla aphikisayo besithi aluqhutshwanga kuhle.

Usuku lolu lunanzwe ngesikhathi kulenkokheli zebandla eliphikisayo eleCitizens Coalition for Change ezedlula itshumi ezibotshiweyo ngemva kokhetho oluqhutshwe mhlaka 23 Ncwabakazi lonyaka.

Kunje isikhulumeli saleli bandla uPromise Mkhwananzi, sewabaleka elizweni ngemva kokuba amapholisa aweZimbabwe Republic Police ekhuphe umbiko wokuthi ayamdinga emdingela icala abathi walidala ngomnyaka ka2020 njalo ongawanikeza ulwazi lwalapho akhona angazitholela umvuzo wenkulungwane zamadollar eMelika-US$1,000.

Usuku lweInternational Day of Democracy lunanzwa minyaka yonke mhlaka 15 Mpandula, phansi kweziqondiso zenhlanganiso yomanyano wamazwe womhlaba eye United Nations. Lonyaka lunanzwa phansi kwendikimba ethi, “Empowering the Next Generation.”

Umeli weBinga North edale lepalamende engowebandla leCCC uMnu Prince Dubeko Sibanda uthi kuyadanisa ukuthi usuku lolu luza kulandela ukhetho olwaqilibezelwayo okutsho ukuthi akula mbuso kazulu eZimbabwe.

"Thina eZimbabwe lamanye amazwe abensundu, asila mbuso wabanengi, kodwa silembuso yabalutshwana, asila Democracy" kutsho uSibanda.

Embed share

Ingxoxo loMnu Dubeko Sibanda ngelanga leInternational Day of Democracy.wav

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:42 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala