UMongameli Emmerson Mnangagwa usesuse abaphathintambo ababili akade ebakhethile kulelidale abanganqobanga kukhetho ngoba esedlulise inani elivunyelwa ngumthetho ukuthi akhethe abangangqobanga kukhetho ukuba ngabaphathintambo.
Unkosikazi Nokuthula Matsikenyere obekhethwe ukuba ngumphathintambo wesigaba se Manicaland ususiwe esikhundleni lesi njalo kulembiko ethi uMnu. John Paradza obekhethwe ukuba ngumsekeli kamphathintambo wezokwethekelelwa laye ubikwa elakho ukususwa esikhundleni.
Umongameli uvunyelwa ngumthetho ukukhetha abaphathintambo abangangena kukhetho abayisikhombisa kodwa yena ubekhethe abayisitshiyagalolunye.
UMnangagwa wake wenza esifanayo ngomnyaka ka 2018 ekhetha abanengi kulalokho okuvunywa ngumthetho.
Ukuhlaziya loludaba, uSithandekile Mhlanga we Studio Seven uxoxe locubungula ezombusazwe, uMnu. Bernard Bhekilizwe Ndlovu.
Forum