Abantu abangezwayo endlebeni bathi inyanga kaMpandula iqakathekile kibo njengoba bethola ithuba lokwazisa abantu ngendubo abahlangana lazo kanye lokukhankasela amalungelo abo.
Inyanga kaMpandula yabekwa eceleni yinhlanganiso yeMelika eyeNational Association for the Deaf ngomnyaka ka 1997 njengenyanga yokupha abantu ulwazi ngempilo yabangezwayo endlebeni iDeaf Awareness Month.
UNkosazana Samantha Sibanda omela amalungelo abantu abangezwayo endlebeni ephansi kwenhlanganiso yeSigns of Hope Trust uthi bazaqhuba inhlelo ezitshiyeneyo ezokuthuthukisa abantu abangezwayo endlebeni.
“Inyanga le iqakathekile ngoba abantu abangezwayo endlebeni bazakuba besipha abantu ulwazi ngobunzima abahlangana labo. Kulenhlelo ezinengi ezizakuba ziqhutshwa ngayonalinyanga, ziqhutshwa ngabangezwayo endlebeni besipha abantu ulwazi ngamalungelo abo phakathi kokunye.”
Forum