Amakhansila angamatshumi amathathu lasificaminwe mibili - 38 agcotshiwe namuhla koBulawayo ngaphansi kwenkombalanga eBulawayo City Council Chambers kulandela ukunqoba kwabo kukhetho olukhulu olwenziwe ngenyanga edluleyo.
UMnu Christopher Dube, umabhalane omkhulu wedolobho leli, ufundise amakhansila la athe azimisele ukusebenzela uzulu. UDube uthi njengoba sebegcobile amakhansila ngoLwesine bazabafundisa ngokusebenza kuhle kusukela ngoMvulo.
"Siqhubekuhle unsebenzi walamhlanje lapho esigcobekhona amakhansila angu38, abangu 29 babotelwa ngabantu kuthi abayi9 ngabesifazana abangene kuProportional Representation. Lamhlanje siyalala eGweru sisiyabafundisa ngokuthi kumele basebenzenjani. Ngemva kwalokho kumele ... NgoMvulo bazaphatha umhlangano wabo wakuqala obekumele sibelawo lamhlanje kodwa ugatsha oluphatha ngokulawulwa kwamakhansili bathe baqale bayefunda bethi sebephatha umhlangano wabo wakuqala."
Inengi likazulu wakoBulawayo litshayela ihlombe amakhansila afungiswe ukuqala umsebenzi bethi akusetshenzwe idolobho libuyele elaliyikho izolo elokuhlanzeka lokuhleleka.
Lamazwi agcizelelwe ngumgcinisihlalo wenhlanganiso elwela amalungelo ezakhamizi eyeBulawayo Progressive Residents Association, uMnu. Amnbrose Sibibindi.
"Amakhansila ethu agcotshwe kuhle lamhlanje sibabukele kodwa sicela bahle baqalenikusebenzela idolobho kudubo lwezibi ezigcwele idolobho lokusilela kwamanzi."
UNkosikazi LuwizaDube, isakhamuzi sakoBulawayo, uthi kuhle ukugcotshwa kwamakhansila kodwa inani labesifazana liphansi.
“Ungmntanami ebegcotshwablamhlanje kuhle kokhe njalo lami ngikengaphatha kwezombusazwe koBulawayo ngikhathazwa nje linani eliphansi labesifana abaphatheke kukhetho ."
Ukhansila kaWard 4, webandla leCCC, uMnu. Dumisani Nkomo, uthi bazasebenza kuhle bethatha imibono kazulu ekuthuthukiseni idolobho.
"Singenile kukhetho abantu basikhetha ngakho kukho konke okumele sikusebenze edolobheni sizakuzwa ngakho kuvela kuzakhamizi ngoba umsebenzi ukhona umnengi koBulawayo ngaphandle kwezibi lokusilela kwamanzi.
UNkosikazi Nokuthula Sibanda, owebandla leZanu-PF ofunge ngaphansi komthetho weProportional Representation, uthi udubo lwamanzi kumele liphele koBulawayo
"Siyabonga ukutholiswa ithuba lokuthi sisebenzele idolobho. Mina ngizasebenzela abesifazana ngibone lokuthi udubo lwamanzi luyalungiswa masinya ngoba abesifazana yibo abezwa ubunzima bokuswela amanzi."
NgoMvulo uBulawayo azakwaziswa ngokuthi ngubani ozakhokhela idolobho, esikhundleni sikaMayor esinakanelwa ukuthi singaphiwa uMnu. David Coltart, owebandla eliphikisayo eleCitizens Coalition for Change, kulandela ukunqoba kwalo kuzo zonke iziqinti. Ukugcotshwa kwamakhansila kuhambe kuhle koBulawayo lobanje kuphuze ukuqala kulandela ukuphuza ukungena kwabavotelwa ukuba ngamakhansila ngemizuzo engamatshumi amathathu.
Forum