Bathabe okumangalisayo abanye abantu eMatabeleland North ngokukhethwa kuka Mongameli Emmerson Mnangagwa ukuba abuse okweminyaka emihlanu elandelayo.
Kodwa kulabanye abasola impumela yokhetho olusanda kuqhutshwa eZimbabwe.
Omunye wabathakazelela ukukhethwa kuka Mnangagwa nguMnumzana Philani Moyo, obencintisa kukhetho lokudinga ozamela iHwange West edale lephalamende.
“Lokhu kuyasithokozisa kakhulu thina sonke abantwabakhe ikakhulu khonapha eHwange West ngithanda ukubabonga kakhulu ngoba bangezile kakhulu ukubana uPresident abuyele bemvotela.”
UMnumzana Richard Moyo, umgcinisihlalo webandla leli eMatabeleland North, uthi ukunqoba kuka Mnangagwa kufezwe yimisebenzi yakhe.
“Shuwa shuwa usebenzile ukuze afike kulelibanga aseliko ngoba ilizwe lonke idevelopment ibonakale isenzakala, ama clini, izikolo imigwaqo, zinengi izinto ezenziwe yi Second Republic in a short space of time.”
Kodwa ozamela iMatabeleland North Province kuSenate ebandleni leCCC, uMnumzana Joel Gabuza, ukhala ngekusasa ebuvilibana.
“Abantu sebeyahlupheka more. Amapotholes khona ezakhula njalo sikhuluma kunje lakuhulumende akuselamali, imali bazadlalise kakhulu ngesikhathi sama election bethongo Chickeni Inn, impuphu , abantu lamavotes.”
Onqobe kukhetho lwamakhansila esigabeni seKaChechete eHwange, uMnumzana Givemeagain Moyo, uthi amabandla kawabambisane kulungiswe ilizwe.
“Esikukhangelele kakhulu njengabantu abasemaphandleni yikuthi uhulumende lo alungisise indaba zomnotho kubelamathuba emesebenzi kulungisiswe indaba zokutholakala kwempahla ezilohlonzi ezitolo lentengo efaneleyo. Kulungisiswe indaba zamathuba abantu ngezigaba kungatholakali ukuthi abantu beMashonaland kube yibo abangcono ukwedlula abantu beMatabeleland.”
Kukhetho lukamongameli, uMnangagwa unqobe eMashonaland East, Mashonaland Central, Mashonaland West, Masvingo, Manicaland lase Midlands. UChamisa unqobe koBulawayo, eHarare lase Matabeland North.
Forum