Ibandla leZanu PF lithi kumele eliphikisayo litshiyane lokuchotoza ikhomishini ebona ngezokhetho iZimbabwe Electoral Commission ngoba lehlulekile ukukhankasela ukhetho oluzayo.
Ekhuluma lentathelizindaba eHarare ngoLwesine, uMnu. Christopher Mutsvangwa, isikhuumeli sebandla leZanu PF, uthe ibandla leli likhweza emthethwandaba indaba ezitshiyeneyo libophisa iZEC, iZBC, amapholisa lemithethwandaba ngoba seliphelelwe ngumphako.
“Siyakwazi ukuthi nxa kulenhlanganiso ezibuya ukuzohlela ukhetho zivela kwamanye amazwe, amabandla anjenge CCC afuna ukwenza ingani izinto azihambi kuhle elizweni, lobakonke kutshelela kamnandi. Indaba sibili yikuthi iZEC, amapholisa lezinhle inhlanganiso zikahulumende, baqhubaumsebenzi wabo kuhle kakhulu, kodwa laba sebesesaba ukudliwa. Njengebandla, sithi abatshiyane lenhlanganiso lezi, bedliwe bethule.”
Kodwa obona ngezokhetho kubandla leCCC, uNkosikazi Ellen Shiriyedenga, uthi abasoze bagoqe izandla beyekela lezi nhlangothi zizenzela umathanda.
“IZanu PF kumele ibe kwazi ukuthi kule nhlanganiso ezifanele zisebenzeleuzulu, njengokutsho kwesisekelo sombuso- lezi nhlanganiso zibalisa iZEC, amapholisa, imthethwandaba, kanye leZBC. Yikho nxa sisithi inhalnganisolezi ziyephula umthetho, ayisikho ukuthi sifuna ukungcolisa isimo selizwe, sifuna ukuthi izinto zenziwe ngokusemthethweni. Khathesi abeZECbayenza abakufunayo, ukulungisa amaphepha okuvotela lokukuvotisaamapholisa bengasitshelanga, kungenani lokuthi umthetho uthi kumelesaziswe. Singabe silokhu silendaba ezinje, asizose sithule ukucothozaiZEC.”
Ocubungula indaba zombusazwe esebenza lenhlanganiso yeZimbabwe Democracy Institute, uMnu. Bekezela Gumbo, uyakusekela lokhu.
“Babamba ingatsha ezifana ledale lephalamende, imthethwandaba, abacuphi bendaba kanye lenhlanganiso ezinjenge ZEC, ngobabengayekela ukubabamba ngamandla, bayadliwa. Ukutshingaabakwenzileyo lokhu yikuzama ukuvala abantu amehlo kuphela, kodwayibo abasebenzisa abo ZEC ukunqoba.”
Kodwa eyinye ingcwethi ecubungula ezombusazwe izimele, uMnumzana Elton Ziki, uthi okungakhanyiwo abeCCC.
Okuqakathekileyo yikuthi kumele kungangelwe ukuba umthethowezokhetho uyalandelwa yini, kumbe hatshi. Nxa sikhangele, abe CCC kumele bezibuze ukuthi balungiselele ngempela yini, ukuncintisa- bengalokhu bekhomba iminwe besithi inhlanganiso yeZEC iyenze lokhukumbe iZBC layo yenze lokhuyana.”
Forum