Amapholisa eHarare athi asebophe abantu abangu 40 inengi kungamalunga ebandla leCitizens Coalition for Change ngoLwesibili ngemva kokuqhuba umkhankaso ezimoteni owe car rally kulokuthi beqoqe umhlangano obukhangelelwe esigabeni seChuru njalo ababotshiweyo basentolongweni ye Glenview leBudiriro.
Isikhulumeli sebandla leCCC uNKosazana Fadzai Mahere ubekhonone enkundleni yeTwitter ukuthi amapholisa avimbe I road show yabo lanxa imikhankaso efanayo eyeZANU PF ivunyelwa.
Isikhulumeli samapholisa uMnu. Paul Nyathi uthi amapholisa angenele ngoba kulomuntu okhonone ngokuphazamiseka ngenxa yomsindo obusenziwa ngamalunga e-CCC wona asuke eGlenview aya evinkilini le Okay Matshiphisa lapho avimbe imgwaqo ngapho ehlabela.
UMnu. Nyathi uchasisa okunengi ngaloludaba kungxoxo leStudio 7.
Kodwa umsekeli wesikhulumeli sebadla leCCC uMnu. Gift Siziba uthi kusobala ukuthi amapholisa awabaphathi ngendlela efanayo njengamanye amabandla ezombusazwe.
Kusenjalo, isikhulumeli sebandla leCCC koBulawayo uMnu. Swithurn Chirowodza uchasisa ngebhakane le billboard ebelilomfanekiso kaMnu. Chamisa elitshisiweyo emadabukabusa ngoLwesibili kulelidolobho ngesikhathi ibandla leli lisithi alikhankasi ngokukhululekileyo njengebandla elibusayo eleZANU PF.
Forum