EleZimbabwe Linanza Usuku Lokuqakathekisa Umsebenzi Wabakubutho Kulokudana Ngeholo Lamasotsha

EleZimbabwe linanza ilanga lokuhlonipha ibutho lezomvikela elizweni eleDefence Forces Day enkundleni yeNational Sports Stadium namuhla, lapho umongameli Emmerson Mnangagwa azakhokhela khona umbuthano lo njalo eminye imicimbi efanayo izaqhutshwa ezigabeni zonke zelizwe.

Kodwa abanye, abalwela ilungelo loluntu, abamabandla aphikisayo, kanye labalwa kumpi yenkululeko bekuviyo leZIPRA bathi ibandla elibusayo selizenzela santando ngamalanga eHeroes Day, Defence Forces, kunye leIndependence Day, behlonipha ikakhulu abasekeli beZANU PF kuphela.

Umongameli Emmerson Mnangagwa izolo uthe ilizwe leZimbabwe alisoze libuswe ngabantu abaphathiswa ngamazwe aphetsheya, kwathi eliphikisayo eleCitizens Coalition for Change latshengisa ukuthi ehlatshiweyo iyabongolela ngoba likuchothozile lokhu lisithi lona alisetshenziswa ngabelungu.

Ukuze sihlaziye loludaba, uSithandekile Mhlanga weStudio 7 uxoxe loDr Strike Mkandla, owalwa kumpi yenkululeko ekuviyo leZIPRA yena othi ilanga elinanzwa lamuhla eleDefence Forces liqakathekile kumlando welizwe kodwa kuyadanisa ukuthi abeZIPRA lokhe bebandlululwa.

Embed share

Ingxoxo loMnu. Strike Mkandla.

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:47 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala