Lanxa ukhetho luka 2023 Ncwabakazi solusondele, inengi labantu lithi alikabikwazi ukuthi lizavotela bani. Banengi abakusimo lesi abahlala eSt. Peters leRobert Sinyoka emakhaya aseduze lakoBulawayo.
Kulumango kuthule, abamabandla ezombusazwe akhankasa njalo nje kodwa abantu bathi bakhathele ngezithembiso zamanga, ezenziwa ngesikhathi sokhetho. UMnu. Austin Ndiweni uthi kakaboni ukuthi uzavotela bani.
"Kangikapheleli sibili ukubona ukwenza kwakhona ngoba still lakhathesi ama elections kumele abe free every party kumele ukuthi iphiwe ithuba lokubana li campaigne ngendlela efanele. Ekunqobeni ke khathesi angeke ngibekwazi ngoba abantu sididene sonke amakhanda, sididene amakhanda ngendlela ezenzakalayo. Ukhangele lezimali ukuthi zenzakala njani , akulamuntu okhangele ebantwini ukuthi kanti vele abantu bonabo phakathi kwendawo baphila njani."
UMnu. Mahlathini, osekela ibandla le Zanu-PF, uthi uyeseba ukuthi abantu abasoze bavotele ibandla lakhe.
"Abantu basola ukuthi vele ukuthi izinto ukuthi vele azisamanga kuhle. Basithembisa ukuthi kuthwa kuzalunga, esikufisayo yikuthi vele kulungiswe imali abantu bathole imali eright."
Kukanti uMnu. Eugene Ndlovu, umakhi wezindlu, uthi abantu sebekhathele ngombuso okhona.
"Abantu bayatshiyana abanye ngabanye ngabakhonapha kulelibandla elibusayo abanye ngabe CCC bayatshiyana. Abantu abanengi nxa sisizwa bekhuluma phandle kungani ibandla elikhona abasalithandi,singakwazi ekuvoteni sibili kodwa nxa sisizwa bekhuluma siyabe sisizwa ingani bafisa ukuthi ngabe kuyake kutshintshe nje.
UMnu. Dumisani Mkhwananzi uthi abancintisayo bemele amabandla abo abazake bafike ebantwini ngakho kakholwa ukuthi uzavota.
"Sifuna ama candidates akhona wonke yikho okungani kunzima so thina ibandla umuntu esimaziyo ngu President, laba abanye aba contestayo nhaphandle kuka Chamisa hayi asibazi. So asikabi leqiniso ngoba asikaboni ama candidate akhona ukuthi ngobani lobani."
Osakhulayo uRoyal Mloyi, oleminyaka yokuzalwa engamatshumi amabili lambili – 22, uthi kalahlithemba ngebandla lakhe leZanu-PF.
"Ngibona kungaba lentuthuko cause lohulumende wethu wayesithembisile ukuthi vision 2030 sisalokhe sisakhangele khonokho. Abantu abanengi kunje so asisebenzi ama youth amanengi bayalimazana bayenzani indaba zokuthi baswela imisebenzi yonkinto benza into ezingelangqondo bebancane."
Omunye osakhulayo uLydia Mathe, oleminyaka yokuzalwa engamatshumi amabili lanhlanu – 25, uthi uzavota kodwa ubona engani ama voti azatshontshwa.
"Ekuvoteni, sizavota sibili kodwa sesaba ukuthi vele engxenye ivoti yethu ayisoze isincede ngalutho ,hayi ngiyakwazi angithi yisecret yami."
Sekusele insuku ezilitshumi lasithupha ukuba kuqhutshwe ukhetho eZimbabwe.
Forum