Abalandeli bomdlalo wenguqu bapha imibono yabo phezu kwemidlalo yabesifazane eyokudinga intshantshu zomhlaba jikelele eqhutshelwa kweleAustralia kanye laseNew Zealand kulezinsuku.
Izwekazi laseAfrica lisele limelwe ngamaqembu abalisa eleSouth Africa, Nigeria kanye leMorocco kulumncintiswano kodwa uObey Ndlovu uthi yena ukholelwa ukuba iqembu leNetherlands yilo elizaphakamisa isicoco.
“Ngibona angathi amaDutch anganqoba. Ngiyisizalwane seAfrica sibili kodwa amaDutch ngendlela ahlohla ngayo, langendlela abaqine ngayo emuva, kungenza ngithi yibo abazathatha inkezo,” kutsho uNdlovu.
UPrince Mpofu yena uthi usaxamalizile ngoba kulamaqembu amabili acabangela ukuba yiwo angaphakamisa inkezo.
“Lumncintiswano usube lempumela ebingakhangelelwanga ngabanengi kodwa mina ngikhangelele amaqembu amabili. Okwakuqala ngikhangelele iqembu leEngland lona elacina ukudliwa ngo2021 njalo yibo intshantshu zezwekazi laseEurope.
Iqembu lesibili engilikhangeleleyo ngeleSweden lona eselitshengisile ukuba zingcitshi zomdlalo wenguqu eyabesifazane. Lizadibana leleUnited States okuyilo eliphethe isicoco kodwa alikatshengisi ukuba liqine kakhulu,” kutsho uMpofu.
UItai Pablo Matandi uthi yena ukhangelele iqembu elimela ilizwe leSouth Africa eleBanyana Banyana ukuba limangalise umhlaba wonke ngokuphakamisa inkezo.
“Mina ngibona angani iSouth Africa ingathatha kodwa kukhona okumele iqale ikulungisise. Emuva kabala abadlali abade yikho bayehluleka ukuvimba ama khona lalapho ibhola lingafakwa emoyeni ikanti lonozinti wabo kangimkholwa. Bengalungisisa khonapho bengathatha inkezo,” kutsho uMatandi.
Kumidlalo edlalwe namhla iqembu leSpain libhaxabule eleSwitzerland nge 5 ka 1 kuthi eleJapan litshaye eleNorway nge 3 ka 1. Limpumela itsho ukuba iqembu leSpain leleJapan asedlulele kusigaba seQuarter – final.
NgeSonto iqembu leNetherlands lizadlala leleSouth Africa kuthi iqembu leSweden lizadlala leleUnited States of America.
NgoMvulo iNigeria izadibana leEngland kuthi iAustralia izadlala leDenmark.
NgoLwesibili iqembu leColombia lizadlala leleJamaica kuthi eleFrance lizangqikilana leleMorocco.
Kusenjalo, imidlalo yesigaba seCastle Lager Premier Soccer League edlalwe namhla iphele kanje.
Iqembu leGreen Fuel linqobe ele Yadah nge 2 ka nya ngaseGibbo, iqembu leFC Platinum linqotshwe nge 2 ka 1 ngele Simba Bhora ngaseMandava, iqembu leNgezi Platinum Stars linqobe ele Bulawayo Chiefs nge 1 ka nya ngaseBaobab, iqembu leBlack Rhinos linqotshwe nge 2 ka 1 yi Cranborne Bullets ngaseBata, iqembu leChicken Inn linqotshwe nge 1 ka nya yiSheasham ngaseLuveve kuthi iqembu leZPC Kariba leleHighlanders abe ngutshiki lobhanqa 0 ka 0 ngaseNyamhunga.
NgeSonto iqembu leManica Diamonds lizadibana leleCaps United ngaseGibbo, iqembu leHerentals lizadlala lele.
Forum