Ibandla leZanu PF selithobelene leleCCC kulandela okunqunywe lidale leSupreme Court elivumele amalunga ebandla eliphikisayo leli ukuba amalunga alo alitshumi lambili - 12 asevunyelwe ukuncintisa kukhetho lwabafisa ukumela izigaba ezitshiyeneyo koBulawayo kudale lephalamende.
Bavinjwa lidale leHigh Court ukuba bengene kukhetho lolu kulandela ukwetheswa kwabo amacala okuphuza ukuhambisa amaphepha eNomination Coirt ngoNhlangula.
Kulamanye njalo amalunga amabandla atshiyeneyo avunyelwe lawo lidale leSupreme Court ukuba bencintise kukhetho lolu koBulawayo.
Ukuze sihlaziye udaba lolu, sixoxe loMnu. Fortune Mlalazi, owebandla leCCC, loMnu. Joseph Tshuma, okudale leZanu PF Central Committee.
UMlalazi uthi bekuvele kungamelanga udaba lolu lungeniswe emthethwandaba.
Uthi bakhangelele ukuba bazanqoba kukhetho lolu njengenhlalayenza koBulawayo.
UTshuma uthi okwenziwe lidale leSupreme Court kuveza ukuba kulohulumende kazulu eZimbabwe.
Uthi ngamanga aluhlaza tshoko ukuba imithathwandaba isibanjwe libandla elibusayo.
Forum