WASHINGTON - Abadabuka emazweni atshiyeneyo, okugoqela eleZimbabwe, abakuhlelo lweMandela Washington Young African Leaders Fellowship, sebegqiba izifundo zabo abazenze emakolitshini atshiyeneyo kwele Melika.
Okwamanje bathe gwaqa eWashington DC lapho abahlolisisa abakufundilayo njalo labazakwenza bengabuyela emazweni abo kunsukwana ezilandelayo.
UMnu. Ethan Rosenzweig, umsekeli womphathithambo wohlangothi lukahulumende weMelika oluphathelane lezemfundo kanye lezamasiko, utshele abasehlanhlangano omkhulu lo owe-2023 Mandela Washington Fellowship Summit ngoLwesibili ukuthi bakhangelelwe ukuba bazathuthukisa amazwe abo labantu abanengi.
Kulabadabuka eZimbabwe abedlula amatshumi ayisikhombisa abakuhlelo lolu.
UNkosazana Phindile Gosha, olenkampani yokuxhumanisa amabhizimusi eyeGreenhouse Academy, ngomunye wabadabuka eZimbabwe obesekolitshini lePurdue University esabelweni seIndiana.
UPhindile uthi uhlangane labantu abanengi abamcede kakhulu.
Uthi uselungiselela ukubuyela eZimbabwe elakho akuphetheyo okuzanceda amankampani amanengi.
UPhindile uzasebenza kakhulu ekuxhumaniseni abalamabhizimusi njalo lokubancedisa ukuthola imali yokusungula kumbe ukuthuthukisa amabhizimusi.
Uthi ubone lemitshina enjengema drones asetshenziswa emasimini.
Forum