WASHINGTON - Umkhokheli wakwele Russia, uMn. Vladmir Putin, usenike uMongameli Emmerson Mnangagwa uhlobo lwendizamtshina yehelicopter.
Amaphephandaba adlenala lohulumende kanye lenkundla yokuqhumana ekaMnu. Nick Mangwana, umabhalane omkhulu kahulumende obona ngokwethulwa kwemibiko, kubika ukuba uPutin unike uMnangagwa indizamtshina le kwele Russia lapho uMnangagwa asemhlanganweni omkhulu oweRussia-Africa Summit.
Ele-Zimbabwe lathenga indizamtshina ezimbalwa kwele Russia, okuthiwa zizasetshenziswa ukuthwala izigulane lokuhlenga uzulu engozini ezitshiyeneyo.
Kusenjalo, eleRussia lithi lizanika elezimbabwe, eleZimbabwe, Somalia, Eritrea lamanye amazwe umumbu olesilinganiso esikifa inkulungwane ezingamatshumi amahlanu zamathani – 50 thousand tonnes ilizwe linye ngalinye.
UPutin uthi ukudla lokhu akusoze kuhlawulwe ngamazwe azakuthola.
EleRussia lisanda kuphuma kusivumelwano sokuthwalwa komumbu, ingqoloyi lokunye kwele Ukraine, okulempi eyesabekayo.
Ukudla okusuka kwele Ukraine kuhanjiswa emazweni amanengi emhlabeni wonke jikelele.
Forum