HARARE - Ubomthethwandaba waphezulu oweHigh Court, bathi sebevumelene ukuthi baphangise ukwahlulela indaba zonke zokhetho ezisemadale.
Idale linqume ukuba iMDC T leZEC babhale ama afdavits besitsho icele labo kudaba lapho amalunga awe MDC-T abangamatshumi phose athobamunwemunye-87, abafuna ukuvunyelwa ukuncintisa kukhetho.
Ekhuluma emthethwandaba waphezulu owe High Court uMahluli Pisirayi Kwenda uthi isikhathi sokhetho sesifikile esithi kumele indaba zonke zokhetho zilungisiswe ngokuphangisa.
Kudaba lwamalunga awe MDC-T afuna ukuvunyelwa ukuncintisa kukhetho athi alelwa lidale leNomination Court ngesizatho sokuthi lapho esebhadalela indleko yokubhalisa bebonke iZEC yala ukuyamukela isithi kayilamitshina ye swipe.
Ekhuluma ngemva kookwahlulela kwaloludaba NgoLwesihlanu, igqwetha leMDC T, uMnu Lovemore Madhuku uchasise ngama afdavits okumele bawabhale.
"Ibandla le MDC T le ZEC lizabeka ama afdavits edale lomthethwandaba ngo Mvulo. IZEC izabekwa amaphepha ayo kuthi uMahluleli uzakupha isinqumo sakhe esebenzisa lokho okuzaphuma edale "
UMadhuku uqhubeke esithi uMahluli uzasebenzisa amaphephepha abo ukupha isinqumo ngodaba lolu kuviki ezayo. UMadhuku uthi udaba lolu soluthatha isikhathi eside esithi kumele udaba lolu luzwakale masinya. Isinqumo sodaba lolu uthi sizazwakala kuviki ezayo ngo Lwesithathu.
Ozancintisa emele ibandla leli ko Bulawayo uNkosazana Nobuhle Ndiweni uthi udaba lolu luphazamisa amalungelo ebandla leli.
"Okusihlukumezwayo yikuthi isifiso sethu bekuyikuthi singene ekhethweni ukuze simele uzulu, sibona engathi ilungelo lethu liphazamisekile"
Lokhu kugcizelelwe ngomunye umsekeli webandla leli obe esemthethwandaba uMnu Boas Mangamiso othi njengebandla bazaqhubeke belwisa ukuba bavunyelwe ukuncintisa kukhetho.
"Siyakwazi ukuthi elizweni le Zimbabwe kumele ulwe. Singekela ukulwa asiyindawo. Langesikhathi sika Mongameli wethu uTsvangirai esaphila sasivele sisilwa"
Kulendaba ezinengi ezisemithethwandaba ezimelele ukwahlulelwa kuNomination Court zamalunga amabandla ezombusazwe aphikisayo adinga ukuvunyelwa ukuncintisa kukhetho.
Ngolwesithathu idale le High Court livumele uNkosikazi Elisabeth Valerio owebandla le United Zimbabwe Alliance ukuba ancintise kukhetho ngemva kokwalelwa ngabeZEC besala ukuthatha imbadalo ngedola leZimbabwe lamaRTGs ngesikhathi ebhalisa eNomination Court.
Kunje ibandla le CCC lilabameli balo abalitshumi lambili abamelele isinqumo somthethwandaba weElectoral Court koBulawayo ukuze bazi ukuba bazancintisa loba hatshi. Kuthi oncintisa ezimele uMnu Saviour Kasukuwere laye umelele isinqumo se Supreme Court ukuze azi ukuba uzancintisa.
Forum